- ડીસા માર્કેટયાર્ડ મગફળીની વાતથી ઉભરાયું
- એક દિવસની રેકોર્ડ બ્રેક 1 લાખથી વધુ મગફળીની બોરીની આવક નોંધાઈ
- સરકારી ટેકાના ભાવ કરતા માર્કેટયાર્ડમાં વધુ ભાવ મળતા ખેડૂતોમાં ખુશીનો માહોલ
બનાસકાંઠા: જિલ્લાનો ખેડૂત ઘણા સમયથી ખેતીમાં નુકશાનીની માર ખાઈ રહ્યો છે.બટાટાની ખેતીમાં મોટું નુકશાન સહન કર્યા બાદ બેહાલ થઈ ચૂકેલા ખેડૂતો માટે આ વર્ષે મગફળીની ખેતી નવી આશા લઈને આવી છે. જિલ્લામાં ચોમાસુ વાવેતર તરીકે મોટાભાગના ખેડૂતો મગફળીનું વાવેતર કરતાં હોય છે. આ વર્ષની વાત કરવામાં આવે તો જિલ્લામાં મગફળીનું ઉત્પાદન પણ બમ્પર થયું છે. ખેડૂતોને મગફળીના બમ્પર ઉત્પાદનની સાથે સાથે સારા ભાવો પણ મળી રહ્યા છે.
આ પણ વાંચો: Bhavnagar Market Yard માં મગફળીના ટેકાના ભાવ કરતા ઊંચા ભાવ, 4619 રજિસ્ટ્રેશન થયાં
માર્કેટયાર્ડમાં મગફળીની આવક
ઉત્તર ગુજરાતમાં મોખરાનું સ્થાન ધરાવતી ડીસા ખેતીવાડી ઉત્પન્ન બજાર સમિતિમાં દિવસેને દિવસે જણસની આવકમાં વધારો થઈ રહ્યો છે. જેમાં આ વખતે કોરોના મહામારી બાદ જિલ્લામાં દુષ્કાળ અને ત્યારબાદ ભારે વરસાદને કારણે અનેક જગ્યાએ ખેતી પાકને નુકસાન થયું હતું. ખાસ કરીને ડીસા આજુબાજુના વિસ્તારોમાં આવેલા કેટલાય ગામડાઓમાં પાણી ભરાઇ જતા મગફળીના પાકને ભારે નુકસાન થયું હતું.
આ પણ વાંચો: Karnataka: મગફળી વેચનાર કન્નડિગા યુવાન બન્યો બ્રિટીશ સૈનિક
રેકોર્ડબ્રેક મગફળીની આવક
આ વર્ષે માર્કેટયાર્ડ મગફળીની આવક (peanut revenue) થી ઉભરાઇ રહ્યા છે. મગફળીમાં એટલું નુકસાન થયા બાદ પણ ડીસા માર્કેટયાર્ડના ઇતિહાસમાં પહેલીવાર મગફળીની 1.2 લાખ બોરીની આવક નોધાઇ હતી. તેમજ દર વર્ષની સરખામણીમાં આ વખતે માર્કેટયાર્ડમાં મગફળીની આવકમાં ખૂબ જ વધારો થઈ રહ્યો હોવાનો સેક્રેટરી અમરત જોશીએ જણાવ્યું હતું. માર્કેટયાર્ડમાં મગફળીની રેકોર્ડ બ્રેક આવક બાદ ખેડૂતોને પોષણક્ષમ ભાવો મળે તે પદ્ધતિએ કમિટીના ઓક્ષનરો મારફતે જાહેર હરાજી કરવામાં આવી હતી.
સરકારના ટેકાના ભાવ કરતા વધારે ભાવ
જેમાં અત્યારે પ્રતિ મણ મગફળીના 1150 થી 1200 રૂપિયાનો ભાવ પડ્યો હતો. સરકારે જાહેર કરેલો ટેકાનો ભાવ 1110 રૂપિયા છે, જ્યારે ટેકાના ભાવ કરતા પણ માર્કેટયાર્ડમાં સારા ભાવ મળતા ખેડૂતોમાં પણ ખુશી વ્યાપી ગઈ હતી. આ અંગે ખેડૂત બળદેવભાઈએ જણાવ્યું હતું કે, મોંઘવારી વધી છે એટલે ટેકાના ભાવમાં પણ વધારો થવો જોઈએ.
