પાલનપુર ફૂડ વિભાગ દ્વારા લેવામાં આવેલા જેલના ભોજનના નમૂના ફેલ

જિલ્લામાં પાલનપુર સબ જેલમાં કાચા કામના આરોપીઓને હલકી ગુણવત્તાવાળુ ભોજન આપવામાં આવતું હોવાની ઘટના સામે આવી છે. જેમાં ફૂડ વિભાગે લીધેલા ખાદ્ય સામગ્રીના બે સેમ્પલ ફેઇલ થતા ફૂડ વિભાગે વધુ કાર્યવાહી હાથ ધરી છે.

બનાસકાંઠા : પાલનપુર ખાતે જિલ્લા સબ જેલ આવેલી છે. જેમાં અંદાજે ૪૦૦થી પણ વધુ કાચા કામના આરોપીઓને રાખવામાં આવે છે. જ્યાં આરોપીઓને આપવામાં આવતું ભોજન હલકી ગુણવત્તાવાળું હોવાનું સામે આવ્યું છે. પાલનપુર ફુડ વિભાગ દ્વારા એક મહિના અગાઉ સબ જેલમાંથી છ જેટલા ખાદ્ય સામગ્રી સેમ્પલ લેવામાં આવ્યા હતા અને આ સેમ્પલ ચકાસવા માટે લેબમાં મોકલવમાં આવ્યા હતાં. જ્યાં ઘઉં અને હળદરમાં જીવાત હોવાના કારણે બે સેમ્પલ ફેલ થયા છે.

જેલમાંથી લઇ આવવામાં આવેલા ખાદ્યસામગ્રીના નમૂના ફેલ થતાં એક વાત તો ચોક્કસ કહી શકાય કે બનાસકાંઠાની પાલનપુર સબ જેલમાં આરોપીઓને આપવામાં આવતું ભોજન આરોગ્ય માટે કેટલુ યોગ્ય છે. જ્યારે બે સેમ્પલ ફેલ થતાં જ ફૂડ વિભાગે પણ આ અંગે જેલના સુપ્રિન્ટેન્ડેન્ટનને જાણ કરી વધુ કાર્યવાહી હાથ ધરી છે.