ડીસાઃ ડીસામાંથી પણ પ્લાસ્ટિક મુક્ત (Plastic Free Deesa) અભિયાનને સમર્થન મળી રહ્યું છે. ડીસામાં આવેલી નવજીવન બી.એડ્ કોલેજમાં (B.ed. College in Deesa) શિક્ષણની સાથે સાથે તાલીમાર્થીઓમાં સામાજિક જવાબદારીના ગુણો ખીલે તેવા ઉમદા હેતુથી અનેક પ્રવૃતિ કરાવાય છે. વિશ્વ પ્લાસ્ટિક મુક્ત (Plastic Free World) બને તે માટે તાલીમાર્થીઓ વેસ્ટના કાગળમાંથી એક બેગ તૈયાર કરે છે. આ બેગ પ્લાસ્ટિક (Paper Bag Distribution) મુક્ત ભારતનું પહેલું પગથિયું છે. અત્યાર સુધી તાલીમાર્થીઓ દ્વારા 10000 બેગનું વિતરણ કરી દેવમાં આવ્યું છે.
આ પણ વાંચોઃ હર હર મહાદેવ: આટલા હજાર ભક્તોએ બાબા બર્ફાનીના દર્શન કર્યા
ઉત્તમ ઉદાહરણઃ પ્લાસ્ટિકનો ભરપુર ઉપયોગ કરી રહેલા સમાજ સામે કાગળની બેગ ઉપયોગ કેવી રીતે કરવો તેનું ઉત્તમ ઉદાહરણ પૂરું પાડ્યું છે. આગામી દિવસોમાં એક લાખ બેગ બનાવવાનો તાલીમાર્થીઓએ સંકલ્પ કર્યો છે. આ બેગને મેડિકલ સ્ટોર અને નાની નાની દુકાનોમાં આપવમાં આવશે. જેથી પ્લાસ્ટિકનો ઉપયોગ ઘટશે. તાલીમાર્થીઓએ વેસ્ટ કાગળમાંથી એક લાખ બેગ બનાવવાનો સંકલ્પ લીધો છે. ડીસાના ધારાસભ્ય શશીકાંતભાઈ પંડ્યાએ પણ આ નવતર પ્રયોગની પ્રશંસા કરી છે. જોકે, સમાજમાં દિવસે દિવસે વધી રહેલા પ્લાસ્ટિકના ઉપયોગ સામે આ પ્રકારના પ્રયોગ અન્ય લોકોને પણ પ્લાસ્ટિકનો ઉપયોગ ન કરવા માટે પ્રેરશે.
આ પણ વાંચોઃ ખાસ ખેડુતો માટે તૈયાક કરાયું આ અનોખુ સ્કૂટર, જૂઓ તસવિરો
અવેજીની વસ્તુઃ પ્લાસ્ટિકની થેલીની જગ્યાએ કાગળ કે કપડાંની થેલીનો ઉપયોગ કરી શકાય છે. આ ઉપરાંત પ્લાસ્ટિકની તુથપિકના બદલે લાકડાંમાંથી તૈયાર કરેલી તુથપિકનો ઉપયોગ કરી શકાય છે. જ્યારે ચાના પ્લાસ્ટિકના કપના બદલે માટીના કપનો ઉપયોગ કરી શકાય છે. એક વખત ઉપયોગમાં લેવાયેલો કપ વેસ્ટ થઈ જાય તો પણ એમાં રહેલી માટી જમીનને કોઈ નુકસાન કરતી નથી.
