અંબાજી: ગુજરાતના મુખ્યપ્રધાન દ્વારા આજથી રાજ્યભરમાં 15થી 18 વર્ષના કિશોરોને કોરોના પ્રતિરોધક રસી (Child Vaccination In Gujarat) આપવાના નિર્ણયને લઈ બનાસકાંઠા (Child Vaccination In Banaskantha) જિલ્લાના 759 સબસેન્ટરો અને 125 પ્રાથમિક આરોગ્ય કેન્દ્રો ખાતે જિલ્લાની તમામ માધ્યમિક શાળાઓમાં ભણતા બાળકોને આજથી રસી આપવા માટે આયોજન હાથ ધરાયું છે.
રસીકરણ પહેલા સંમતિપત્રો પર સહી કરાવવામાં આવી
જિલ્લાની તમામ માધ્યમિક શાળાઓમાં ભણતા બાળકોને (Child vaccination in schools in banaskantha) આજથી રસી આપવા માટે આયોજન હાથ ધરવામાં આવ્યું છે, ત્યારે અંબાજીની કન્યા વિદ્યાલય (Arasuri kanya vidhyalay ambaji)માં પણ આરોગ્ય વિભાગ દ્વારા કિશોરીઓને રસીકરણની કામગીરી શરૂ કરવામાં આવી છે. રસીકરણ પૂર્વે વિદ્યાર્થીઓના વાલીઓને સંમતિપત્રો ઉપર પણ સહી કરવામાં આવી હતી અને ત્યારબાદ રસીકરણ (Vaccination in Ambaji) હાથ ધરવામાં આવ્યું હતું.
રસીકરણ પહેલા કિશોરીઓને સમજાવવા માટે કેમ્પેઇન હાથ ધરાયું હતું
અંબાજીની કન્યા શાળામાં છેલ્લા 3 દિવસથી રસીકરણ માટે સમજાવટનું કેમ્પઇનિંગ (Persuasive campaigns for covid-19 vaccination) હાથ ધરાયું હતું. આરોગ્ય વિભાગ દ્વારા કિશોરીઓને રસીકરણ વિશે સમજાવવાની કામગીરી શરૂ કરવામાં આવી હતી અને ત્યારબાદ આજથી કિશોરીઓનું રસીકરણ કરવામાં આવ્યું હતું. આ રસીકરણને લઈને ફેલાયેલી ખોટી અફવાઓ (corona vaccine rumors in India)નું પણ વિદ્યાર્થિનીઓએ ખંડન કર્યું હતું. કોરોના પ્રતિરોધક રસી (corona vaccine resistant)ને સંપૂર્ણ સલામત અને સુરક્ષિત ગણવામાં આવી રહી છે. આ રસીકરણ બાદ વિદ્યાર્થીઓમાં કોઈપણ પ્રકારની આડઅસર જોવા મળી નહોતી અને વિદ્યાર્થીઓ પણ રસીને સુરક્ષિત ગણી અન્ય લોકોને રસીકરણ કરાવા અપીલ કરતા જોવા મળ્યા હતા.
