બનાસકાંઠા જિલ્લાના વાવ તાલુકાના ભાટવર ગામમાં ગ્રામ પંચાયતની તારીખ 19-1-2020ના રોજ સરપંચ પદની પેટાચૂંટણી યોજાઇ હતી, જોકે 2122 મતદારો ધરાવતી ભાટવર ગ્રામ પંચાયતમાં 1793નું મતદાન થયું હતું, જેમાં મંગળવારના રોજ વાવ મામલતદાર કચેરીએ મત ગણતરી કરી ચૂંટણી અધિકારી વી.એમ. પટેલની અધ્યક્ષતામાં મતગણતરીની પ્રક્રિયા હાથ ધરવામાં આવી હતી. જેમાં રાણાભાઈ રેવાભાઈ દલિતને 896 મતો મળ્યા હતા, જયારે તેમના હરીફ ઉમેદવાર અજાભાઈ પ્રજાપતિ ને 847 મતો મળ્યા હતા જ્યારે નોટામાં 50 મતો પડ્યા હતા.
જેમાં રાણાભાઇ દલિતનો 49 મતોથી વિજય થયો હતો વિજેતા સરપંચ રાણાભાઈ રેવાભાઈ દલિતના સમર્થકોએ ફૂલ હાર પહેરાવી મીઠાઈની વહેંચણી કરી વિજેતા સરપંચનું ઉમળકા ભેર સ્વાગત કર્યું હતું. જોકે પૂર્વ સરપંચનું ભાટવર ગામ ના સરપંચ નું દુઃખદ નિધન થતા આ પેટા ચૂંટણી યોજાઈ હતી અને નિયમ અનુસાર જાહેરનામું પ્રસિદ્ધ કર્યા બાદ ચૂંટણી યોજાઇ હતી.
