ડીસા વિશ્વમાં હાલ કોરોના મહામારીએ ફરી એકવાર હાહાકાર મચાવી દીધો છે. અનેક દેશોમાં કોરોના મહામારીના કારણે અનેક લોકો મોતને ભેટી રહ્યા છે. ત્યારે ફરી એકવાર કોરોના દસ્તક (Corona Update in Gujarat ) દેવાની તૈયારીમાં છે. ત્યારે સરહદી વિસ્તાર એવા બનાસકાંઠા જિલ્લામાં પણ તંત્ર દ્વારા કોરોનાના સંક્રમણને અટકાવવા માટે કેટલીક તૈયારીઓ (Banaskantha Health Department Alert ) કરવામાં આવી છે.
આ પણ વાંચો Corona gujarat update: સોલા સિવિલમાં 56 બેડ ધરાવતો કોવિડ વોર્ડ થયો શરૂ
વહીવટી તંત્ર એલર્ટ કોરોના મહામારીને લઈ ફરી વહીવટી તંત્ર એલર્ટ કોરોનાની બીજી લહેર વખતે બનાસકાંઠા જિલ્લામાં પણ આરોગ્ય વિભાગને અનેક સમસ્યાઓનો સામનો કરવો પડ્યો હતો. ખાસ કરીને બનાસકાંઠા જિલ્લામાં ઓક્સિજનના અભાવે અનેક કોરોના સંક્રમિત દર્દીઓએ હોસ્પિટલમાં દમ તોડ્યો હતો. ચારે બાજુ કોરોના મહામારીના કારણે હાહાકાર મચી જવા પામ્યો હતો. ત્યારે આવી સ્થિતિ ફરી ન સર્જાય તે માટે આ વખતે બનાસકાંઠા જિલ્લાનું આરોગ્ય વિભાગ પહેલેથી જ સક્રિય બન્યું છે. ફરી કોરોના મહામારી અટકાવવા માટે અત્યારથી જ તમામ પ્રકારની તૈયારીઓ કરી દેવામાં આવી છે. જિલ્લામાં તમામ આરોગ્ય કેન્દ્રો પર જરૂરિયાત પ્રમાણે સાધનો ઉપલબ્ધ કરી દેવાયા છે જેના કારણે કોરોના સંક્રમણ અટકાવી શકાય. જિલ્લામાં આવેલી કોરોનાની બે લહેરોમાં જે સ્થિતિ સર્જાઈ હતી તે સ્થિતિ ફરી ન સર્જાય તે માટે હાલ જિલ્લામાં વહીવટી તંત્ર દ્વારા તમામ તૈયારી કરી દેવામાં આવી છે.
આ પણ વાંચો કોરોનાની રસી માટે હવે ઈન્જેક્શન નહીં લેવું પડે, નોઝલ વેક્સિનને મળી મંજૂરી
ઓક્સિજન પ્લાન્ટ બનાવવામાં આવ્યો સરકારી હોસ્પિટલોમાં તૈયારીઓ ડીસામાં સરકારી હોસ્પિટલમાં ઓક્સિજન પ્લાન્ટ (Oxygen plant )ન હતો પરંતુ હવે અહીં ઓક્સિજન પ્લાન્ટ બનાવવામાં આવ્યો છે. જેની તપાસ કરતા આ ઓક્સિજન પ્લાન્ટ સંપૂર્ણ ચાલુ હાલતમાં હતો. આ સિવાય આરોગ્ય વિભાગ દ્વારા અત્યારે જિલ્લામાં ચાર જગ્યાએ આરટીપીસીઆર લેબ (RTPCR Lab )બનાવવામાં આવી છે. એક લેબની અંદર અંદાજિત 500 થી વધુ લોકોના કોરોના સેમ્પલની તપાસ કરવામાં આવે છે. અત્યારે ડીસામાં 6 તાલુકાના લોકોના સેમ્પલ ચકાસવામાં આવે છે. રોજના 700થી પણ વધુ સેમ્પલ ડીસાની આરટીપીસીઆર લેબમાં તપાસ અર્થે આવે છે અને સેમ્પલ મળ્યા બાદ 8 કલાકમાં જ તમામ સેમ્પલનો રિપોર્ટ આપી દેવામાં આવે છે. રોજના 1500 થી પણ વધુ સેમ્પલની તપાસ થઈ શકે તે માટે 24 કલાક સ્ટાફ કાર્યરત રહે છે.
44 ઓક્સિજન બેડની વ્યવસ્થા આ સિવાય ડીસા હોસ્પિટલમાં ઓક્સિજન બેડ (Oxygen bed at Disa Hospital )જોઇએ તો આ હોસ્પિટલમાં સેન્ટ્રલાઈઝ ઓક્સિજન લાઇન સાથે જોડાયેલા 44 બેડની વ્યવસ્થા છે. એટલે કે એક સાથે 40 જેટલા ઓક્સિજન જરૂરિયાતવાળા દર્દીઓને રાખી શકાય. આ સિવાય 60 જેટલી ઓક્સિજન બોટલો પણ તૈયાર રાખવામાં આવી છે. જેથી આવનાર કોઈપણ દર્દીને ઓક્સિજનના કારણે કોઈ તકલીફ ન પડે તેવી સુવિધાથી સજ્જ હોસ્પિટલો બનાવાઈ છે.
