- બનાસકાંઠા જિલ્લામાં સાર્વત્રિક વરસાદ શરૂ
- અનેક તાલુકાઓમાં ગત મોડી રાત્રીથી જ ધોધમાર વરસાદ શરૂ
- વરસાદના કારણે અનેક વિસ્તારોમાં પાણી ભરાતા સ્થાનિક લોકો મુશ્કેલીમાં મૂકાયા
- ગ્રામીણ વિસ્તારોમાં વિજળી પડતા ખેડૂતોને નુકસાન
બનાસકાંઠા: જિલ્લામાં છેલ્લા બે દિવસથી સાર્વત્રિક વરસાદ વરસી રહ્યો છે. જિલ્લામાં પહેલા રાઉન્ડમાં સારો વરસાદ થયા બાદ બનાસકાંઠાવાસીઓ અને ખાસ કરીને ખેડૂતો (farmers) વરસાદની ખૂબ જ આતુરતાથી રાહ જોઈ રહ્યા હતા. જોકે છેલ્લા એક અઠવાડિયાથી સામાન્ય છૂટાછવાયા વરસાદ (Rain) બાદ રવિવારે બપોરના સમયે ડીસા સહિત આજુ બાજુના પંથકમાં વરસાદ (rain) ખાબક્યો હતો. દિવસ દરમિયાન ભારે ઉકળાટ અને બફારા બાદ સાંજના સમયે એકાએક વરસાદ (Rain) ખાબકતા ચોતરફ ઠંડક પ્રસરતા લોકોને ગરમીથી રાહત મળી હતી. બનાસકાંઠા જિલ્લામાં અત્યાર સુધી સીઝનનો માત્ર 17.90 ટકા જ વરસાદ થયો છે પરંતુ છેલ્લા બે દિવસથી જિલ્લામાં સારો વરસાદ (Rain) પડતા લોકોમાં ખુશી જોવા મળી રહી છે.
આ પણ વાંચો : હૈદરાબાદમાં મેઘરાજાની મહેર, અનેક વિસ્તારોમાં પાણી ભરાવાના કારણે લોકો પરેશાન
ઠેરઠેર વરસાદી પાણી ભરાયા
જિલ્લામાં 20 દિવસના વિરામ બાદ ગત મોડી રાત બાદ કડાકા અને ભડાકા સાથે વરસાદ શરૂ થયો હતો. એક કલાકમાં ભારે વરસાદ (heavy rain) પડતા ખેડૂતોમાં ખાસ કરીને ખુશી જોવા મળી હતી. અનેક શહેરમાં પણ બપોર બાદ ધોધમાર વરસાદ શરૂ થતા અનેક વિસ્તારોમાં વરસાદી પાણી ભરાયા હતા. વરસાદી પાણી ભરાતા ખાસ કરીને વાહન ચાલકો અને સોસાયટીના અનેક લોકો ભારે પરેશાન થયા હતા, ત્યારે ચોક્કસથી કહી શકાય કે, રવિવારે બપોર બાદ જે પ્રમાણે વરસાદ શરૂ થયો હતો. તેના કારણે લોકોએ ભારે ઉકળાટ અને બફારાથી રાહત મેળવી હતી. તો બીજી તરફ ડીસા શહેરમાં ધોધમાર વરસાદ શરૂ થતાં અનેક નિંચાણવાળા વિસ્તારોમાં વરસાદી પાણી ભરાયા હતા. જેના કારણે સ્થાનિક નગરપાલિકાના કોર્પોરેટરો દ્વારા તાત્કાલિક ધોરણે નગરપાલિકાની ટીમ બોલાવવી રસ્તાઓ તોડી પાણીના નિકાલ કરવામાં આવ્યો હતો. જેના કારણે લોકોએ રાહત અનુભવી હતી, ત્યારે ચોક્કસથી કહી શકાય કે જે પ્રમાણે છેલ્લા 24 કલાકથી વરસાદ વરસી રહ્યો છે તેના કારણે નિંચાણવાળા વિસ્તારોમાં પાણી ભરાતા લોકોએ હાલાકી ભોગવવી પડી હતી.
આ પણ વાંચો: RAIN NEWS: મહેસાણામાં વરસાદનું આગમન, ભારે ઉકળાટ બાદ વરસાદને લઈ ઠંડક પ્રસરી
હજુ વધુ વરસાદની આશા
ચાલુ વર્ષે જે પ્રમાણે સમગ્ર જિલ્લામાં વરસાદ વરસી રહ્યો છે તેના કારણે ખેડૂતોએ જે મોંઘા બિયારણો (Expensive seeds) લાવી વાવેતર કર્યું હતું તેવા પાકોને રાહત મળી હતી. પરંતુ હજુ પણ ખેડૂતોને જેવો જોઈએ તેવો વરસાદ ન પડતાં પાણીનું વિકટ સંકટ જોવા મળી રહ્યું છે. તો બીજી તરફ જિલ્લાના જીવાદોરી સમાન ત્રણ જળાશયો હાલ ખાલીખમ પડ્યા છે. હાલ તો ખેડૂતો ભગવાનને એક જ પ્રાર્થના કરી રહ્યા છે કે હજુ પણ ઉપરવાસમાં સારો વરસાદ થાય. જેના કારણે જિલ્લાના જીવાદોરી સમાન ત્રણેય જળાશયોમાં પાણીની આવક થાય અને આવનારા સમયમાં બનાસકાંઠા જિલ્લા પર પાણીનું સંકટ થાય નહીં.
સારા વરસાદથી ખેડૂતોમાં ખુશી
જિલ્લામાં છેલ્લા 20 દિવસથી વરસાદ પડવાનું નામ જ ન લેતો હતો પરંતુ હવામાન વિભાગ (Meteorological Department) દ્વારા આપવામાં આવેલી પાંચ દિવસની ગુજરાતમાં વરસાદ (Rain) ની આગાહીના પગલે શનિવારે મોડી રાતથી જ જિલ્લાના તમામ તાલુકાઓમાં વરસાદ શરૂ થયો છે. છેલ્લા 24 કલાકમાં મોટાભાગના તાલુકાઓમાં સારો વરસાદ (Rain) પડ્યો છે જેના કારણે સૌથી વધુ ખુશી ખેડૂતોમાં જોવા મળી છે. ચાલુ વર્ષે જિલ્લાના ખેડૂતોએ મોંઘાદાટ બિયારણો (Expensive seeds) લાવી ખેતરમાં મગફળીનું વાવેતર કર્યું હતું પરંતુ વરસાદ ખેંચાતા ખેડૂતોને પોતાના પાક બગાડવાની ચિંતા જોવા મળી રહી હતી. પરંતુ જે પ્રમાણે છેલ્લા બે દિવસથી જિલ્લામાં વરસાદ વરસી રહ્યો છે તેના કારણે ફરી એકવાર ખેડૂતોના પાકને નવજીવન મળ્યું છે. તેથી ખેડૂતોના મોઢા પર ફરી એકવાર ખુશી જોવા મળી હતી.
બનાસકાંઠા જિલ્લામાં ક્યાં કેટલો વરસાદ ?
| ક્રમ | શહેર | વરસાદ |
| 1 | અમીરગઢ | 131 mm |
| 2 | કાંકરેજ | 73 mm |
| 3 | ડીસા | 163 mm |
| 4 | થરાદ | 32 mm |
| 5 | દાંતા | 392 mm |
| 6 | દાંતીવાડા | 80 mm |
| 7 | દિયોદર | 74 mm |
| 8 | ધાનેરા | 102 mm |
| 9 | ભાભર | 93 mm |
| 10 | પાલનપુર | 169 mm |
| 11 | લાખણી | 40 mm |
| 12 | વડગામ | 258 mm |
| 13 | વાવ | 54 mm |
| 14 | સુઇગામ | 129 mm |
