બનાસકાંઠાના ભાજપ સાંસદના માનમાં અભિવાદન કાર્યક્રમ યોજાયો હતો. જેમાં આદિવાસી વિસ્તાર સહિતના અનેક કાર્યકર્તાઓ મોટીસંખ્યામાં હાજર રહ્યા હતા. આ કાર્યક્રમમાં પરબત પટેલને માતાજીની પ્રતિમા આપીને તેમનું અભિવાદન કરાયુ હતું. ત્યારબાદ તેમને પાઘડી પહેરાવી સન્માનિત કરવામાં આવ્યા હતા.
બનાસકાંઠાના સાંસદ પરબત પટેલના માનમાં અભિવાદન કાર્યક્રમ યોજાયો
પરબત પટેલે વિધાનસભાને આઝાદી બાદ સૌપ્રથમ વખત ભાજપને લીડ મળી હોવાની વાત જણાવીને કાર્યકર્તાઓનો ઉત્સાહ વધાર્યો હતો. સાથે જંગી બહુમતી સાથે દાંતા મત વિસ્તારમાંથી પંદર હજાર ઉપરાંતની લીડ મેળવ્યાની ખુશી વ્યક્ત કરી હતી. તમામ કાર્યકર્તાઓ સહિત મતદારોને પોતાના પ્રશ્નો બાબતે પાલનપુર સ્થિત પોતાની ઓફિસે મુલાકાત કરવા તેમણે જણાવ્યું હતું. ત્યારબાદ કાર્યક્રમના અંતમાં પરબતભાઇ પટેલે મત વિસ્તારના મતદારો અને કાર્યકર્તાઓનો હદયપૂર્વક આભાર માન્યો હતો.
