હૈદરાબાદમાં મહિલા વેટરનરી તબીબ સાથે ચાર નરાધમોએ ગેંગરેપ બર્બરતાપૂર્વક હત્યા કર્યા બાદ તેને સળગાવી દેવાની ઘટના બની હતી. બાદમાં સમગ્ર દેશમાં તેના ઘેરા પ્રત્યાઘાતો પડયા હતા અને પીડિતને ન્યાય મળી રહે તે માટે ઠેરઠેર વિવિધ સંગઠનો દ્વારા પીડિતને ન્યાય મળે અને નરાધમોને સજા મળે તે માટે પ્રદર્શનો થઈ રહ્યા હતા. વહેલી સવારના સમયે હૈદરાબાદ પોલીસે આ 4 આરોપીઓને ઘટનાસ્થળે રીક્રિએટ કરવા લઈ જઈ રહી હતી, ત્યારે પોલીસ જવાનો પર પથ્થરમારો કરી હુમલો કર્યો હતો.
પોલીસ પણ જવાબી કાર્યવાહીમાં આ ચાર આરોપીઓને એકાઉન્ટમાં ઢેર કરી દેતા સમગ્ર ભારતભરમાં ઉજવણી થઈ રહી છે, ડીસામાં પણ એન્કાઉન્ટરની ઘટના બાદ ખુશીનો માહોલ જોવા મળી રહ્યો છે. લોકોએ રસ્તા પર ઉતરી આવી એક બીજાનું મોં મીઠું કરાવી ઉજવણી કરી હતી અને હૈદરાબાદ પોલીસની આ કાર્યવાહીથી લોકોમાં ખુશી જોવા મળી રહી છે. હૈદરાબાદના આ નરાધમોને એન્કાઉન્ટરમાં ઠાર કરતાં કોલેજની યુવતીઓ, વિવિધ સંગઠનોના લોકો તેમજ દેશની મહિલાઓમાં હાલ ખુશીનો માહોલ જોવા મળી રહ્યો છે.
