થરાદ સાચોર હાઇવે પર મોડી રાત્રે સર્જાયેલા ગમખ્વાર અકસ્માતમાં બે વ્યક્તિઓના ઘટના સ્થળે જ કરૂણ મોત થયા હતા. સુરેન્દ્રનગરના 5 વ્યક્તિઓ પોતાની કાર લઇને થરાદથી સાંચોર તરફ જઈ રહ્યા હતાં. તે દરમિયાન મોડી રાત્રે સામેથી આવી રહેલી ટ્રક અને કાર સામસામે ટકરાતા અકસ્માત સર્જાયો હતો .
આ અકસ્માતમાં કારમાં બેઠેલા 5માંથી 2 વ્યક્તિઓના ઘટના સ્થળે જ કરૂણ મોત થયા હતા. જ્યારે અન્ય 3 વ્યક્તિઓને ગંભીર ઈજાઓ પહોંચતા સારવાર માટે થરાદ રેફરલ હોસ્પિટલમાં ખસેડવામાં આવ્યા છે. બનાવની જાણ થતાં થરાદ પોલીસે ઘટના સ્થળે પહોંચી વધુ તપાસ હાથ ધરી હતી.
