ઉનાળુ વેકેશન પૂરું થતા જ મામલતદાર કચેરી ખાતે આવક તેમજ ઉન્નતવર્ગના દાખલા કઢાવવા માટે મોટી સંખ્યામાં લોકો જનસેવા કેન્દ્ર ખાતે પહોંચે છે. જોકે અરવલ્લીના ભિલોડાની મામલતદાર કચેરીમાં અરજદારો માટેની મૂળભૂત સુવિધાઓનો અભાવ છે. જનસેવા કેન્દ્રમાં દાખલા માટે અરજી સ્વિકારવા માટે ફક્ત એક જ ઓપરેટર હોવાથી અરજદારોની લાંબી કતારો જોવા મળે છે.
મામલતદાર કચેરીમાં અરજદારોની ભોગવવી પડે છે ભારે હાલાકી
અરજદારોના જણાવ્યા અનુસાર દાખલો કઢાવવા માટે વહેલી સવારથી જ લાઇનમાં ઉભા રહેવું પડે છે અને કેટલી વખતે ધક્કામુક્કી જેવા પણ દ્રશ્યો જોવા મળે છે. સરકારે નાગરીકોની સુવિધાઓ માટે જન સેવા કેન્દ્ર શરૂ કર્યા છે પણ અધિકારીઓની આળસના કારણે અરજદારોને હાલાકી ભોગવવી પડે છે તેમજ અરજદારોને યોગ્ય સુવિધાઓ મળતી નથી.
