અરવલ્લી: જિલ્લામાંથી 700 કરોડ કરતા વધારે રૂપિયા ઉઘરાવીને ઉઠામણું કરીને 10 જેટલી ક્રેડીટ સોસાયટીઓ પલાયન કરી ગઇ છે. જેમાં બચત કરનાર ગરીબ અને પરિશ્રમી વર્ગના રૂપિયા સલવાયા છે. આવા કોરોનાના કપરા સમયમાં આ રૂપિયા જીવના ગુજારવાનો આધાર બની શકે તેમ હોવાથી ગરીબ અને મધ્યમ વર્ગના થાપણદારો પોતાની પરસેવાના રૂપિયા પાછા મેળવવા દર દર ભટકી રહ્યા છે.
છેતરપીંડીનો ભોગ બનેલા વ્યક્તિઓએ જિલ્લાના ધારાસભ્યોને મળીને પોતાની વ્યથા જણાવી હતી. તેમજ જિલ્લા કલેકટર અમૃતેશ ઔરંગાબાદકરને આવદેનપત્ર આપી વિનંતિ કરી હતી, કે લાચાર જનતાના કરોડો રૂપિયા પચાવી પોતે વૈભવી જીવન જીવી રહેલા કૌભાંડીઓ પર ત્વરિત પગલા ભરી ગરીબ જનતાના મહેનતના રૂપિયા પરત અપવવામાં આવે. અરજદારોએ આદર્શ ક્રેડીટ સોસાયટી, અર્બુદા ક્રેડીટ સોસાયટી, સહારા ઇન્ડિયા પરિવાર, સમૃદ્વ જીવન , સગુન , પલ્સ ઇન્ડીયા , જે.કે એમ એમ ,અને ભવિષ ક્રેડીટ જેવી લે ભાગુ બચત મંડળીઓમાં ડુબેલા રૂપિયા પાછા નહિ મળે ત્યાં સુધી સમગ્ર ગુજરાતભરમાં આંદલોન કરવાની ચીમકી પણ ઉચ્ચારી હતી.
