અરવલ્લી: મોડાસા મામલતદાર કચેરી ખાતે લાખો રૂપિયાના ખર્ચે અરજદારો માટે નવીન જનસેવા કેન્દ્ર બનાવવામાં આવ્યું છે. જેમાં આવકનો દાખલો, જાતિનો દાખલો, રેશન કાર્ડમાં સુધારા વધારા સહિતની કામગીરી ઉપલબ્ધ કરવામાં આવશે.
મોડાસા મામલતદાર કચેરી ખાતે મોર્ડન જનસેવા કેન્દ્ર ખુલ્લું મુકવામાં આવ્યું
મોર્ડન જનસેવા કેન્દ્રમાં અરજદારો માટે ઝેરોક્ષ મશીનની પણ સુવિધા છે. આ સાથે જ અરજદારોએ નોટરી કરવા માટે પણ બહાર ન જવું પડે, તે પ્રકારની વ્યવસ્થા કરવામાં આવી છે. અહીં ખાસ ટોકન સિસ્ટમથી કામ કરવાની સુવિધા ઉપલબ્ધ કરવામાં આવી છે. જેથી અરજદારોને લાઇનમાં ઊભા રહેવું નહીં પડે અને સમયનો વેડફાટ પણ નહીં થાય.
