અરવલ્લીઃ જિલ્લામાં ત્રણ દિવસથી હાથ ધરાયેલ અનાજ વિતરણ કામગીરી દરમિયાન 60 ટકાથી વધુ એટલે કે 89 હજાર 439 કાર્ડધારકોએ સરકાર માન્ય અનાજની દુકાન પર જઇને પોતાનો જથ્થો લીધો હતો.
અરવલ્લી જિલ્લામાં પ્રથમ દિવસે 29 હજાર 483, બીજા દિવસે 33 હજાર 468 જયારે ત્રીજા દિવસે 26 હજાર 488 મળી કુલ 89 હજાર 439 રેશન કાર્ડ ધારકોને સોશ્યિલ ડિસ્ટન્ટ સાથે અનાજનું વિતરણ કરવામાં આવ્યું હતું. જેમાં મોડાસામાં 55.96 ટકા, માલપુરમાં 67.89, મેઘરજમાં 70.30, ભિલોડામાં 67.53, બાયડમાં 33.45 અને ધનસુરા તાલુકામાં 75.60 મળી કુલ 60.04 ટકા રેશનકાર્ડ ધારકોએ પોતના હક્કનો લાભ લીધો હતો.
