અરવલ્લીમાં ગુરુવારે વહેલી સવારે ખાબક્યો વરસાદ, ઉભા પાકને નુકસાન

હવામાન વિભાગે કરેલી વરસાદની આગહીને પગલે અરવલ્લી જિલ્લામાં વહેલી સવારે ભારે ગાજવીજ અને વાવાઝોડા સાથે વરસાદ વરસ્યો હતો. જિલ્લાના મોટાભાગના વિસ્તારમાં વરસાદ ખાબકવાથી ઉભા પાકને નુકસાન થયુ છે.

• અરવલ્લીમાં આજે ગુરુવારે વહેલી સવારે વાવાઝોડા સાથે વરસાદ ખાબક્યો
• ભારે પવનથી બાજરી અને જારનો સોંથ વળી ગયો
• ખેડૂતોને વધુ એક માર સહન કરવાનો વારો આવ્યો

અરવલ્લી : જિલ્લામાં આજે ગુરુવારે વહેલી સવારે એકાએક વાતાવરણમાં પલ્ટો આવ્યા બાદ ભારે વાવઝોડા સાથે વરસાદ ખાબ્ક્યો હતો. સતત અડધો કલાક સુધી વરસેલા વરસાદને પગલે મોડાસા, શામળાજી, મેઘરજના ભિલોડા, માલપુર સહિતના સમગ્ર વિસ્તારમાં ખેડૂતોએ વાવેલા બાજરી, જાર સહિતના ઉભા પાકને નુકસાન થયુ હતું. ભારે પવનથી બાજરી અને જારનો સોંથ વળી ગયો હતો. નોંધનીય છે કે, તૌકતે વાવાઝોડાને કારણે ખેડૂતોએ નુકસાન સહન કર્યુ હતું અને થોડા દિવસના અંતે વરસાદી આફતથી ખેડૂતોને વધુ એક માર સહન કરવાનો વારો આવ્યો છે.

અરવલ્લી

આ પણ વાંચો : ગિરિમથક સાપુતારાના તળેટીય વિસ્તારમાં કમોસમી વરસાદ

અરવલ્લીમાં કુલ એક ઇંચ વરસાદ વરસ્યો

વહેલી સવારે સમગ્ર અરવલ્લીમાં કુલ એક ઇંચ વરસાદ વરસ્યો હતો. જેમાં મોડાસામાં 4 મી.મી., ભિલોડામાં 4 મી.મી., મેઘરજમાં 1 મી.મી., માલપુરમાં 4 મી.મી., બાયડમાં 1 મી.મી. અને ધનસુરામાં 7 મી.મી વરસાદ નોંધાયો હતો.