મોડાસા: ગાયત્રી મંદિરે ગુરુનાનક જયંતીની ઉજવણી કરવામાં આવી

ગુરુ નાનક જયંતિ કાર્તિક પૂર્ણિમાના દિવસે ઉજવવામાં આવે છે. આ વર્ષે ગુરુનાનકજીની 551 જન્મ જયંતીને અખિલ વિશ્વ ગાયત્રી પરિવાર દીપાંજલિના રૂપે ઉજવવામાં આવી હતી. અખિલ વિશ્વ ગાયત્રી પરિવાર પ્રમુખ ડો. પ્રણવ પંડ્યાજીએ કાર્તિક પૂર્ણિમાના દિવસે સાંજે 7 વાગે એક સમયે એક સાથે 5 દીપકોના માધ્યમથી આ આયોજન કરવાનું આવાહન કર્યું હતું. આખા વિશ્વમાં 10 કરોડથી વધુ પરિજન પોતાના ઘેર ઘેર તથા 5000 પ્રજ્ઞા સંસ્થાનો પર આ ગુરુ નાનજીના જન્મોત્સવ પર દીપ માળા કર્યા હતા.

• ગાયત્રી મંદિરમાં ગુરૂનાનક જયંતિની ઉજવણી
• અરવલ્લીના 24 ગામના સાધકો ઘેર-ઘેર દીપક પ્રગટાવશે
• ગુરુ નાનક જયંતિ કાર્તિક પૂર્ણિમાના દિવસે ઉજવવામાં આવે

અરવલ્લી: કાર્તિક પૂર્ણિમાના દિવસે ગુરુ નાનક જયંતિ નિમીતે ગાયત્રી ચેતના કેન્દ્ર, અરવલ્લી અને સાબરકાંઠા જિલ્લાની તમામ પ્રજ્ઞા સંસ્થાના સાથે જોડાયેલા કાર્યકરોએ અતિરિક્ત પાંચદીપ સાથે 24 ગાયત્રી મંત્ર દ્વારા ભાવનાત્મક આહુતિ અર્પણ કરી હતી. ગાયત્રી પરિવારએ ગુરુ નાનકજીના બલિદાનને યાદ કરી 551મી જયંતીએ દીપાંજલિ આપી હતી. ગયાત્રી પરિવારની માન્યતા મુજબ ગુરુ શિષ્યની મહાન પરંપરાના સંવાહક ગુરુ નાનક દેવજીએ દેશની એકતા અને અખંડતા માટે પોતાની જાતને હોમી દીધી હતી. એમના બલિદાનને લીધે જ આજે હિંદૂ ધર્મ તેમજ સંસ્કૃતિનું રક્ષણ સંભવ બન્યું છે.

મોડાસાના ગાયત્રી મંદિર ખાતે ગુરુનાનક જયંતીની ઉજવણી કરવામાં આવી

ગુરુ નાનક દેવજીએ શ્રી કરતારપુર સાહિબ ગુરુદ્વારાની સ્થાપના કરી હતી

નોંધનીય છે કે ગુરુ નાનક દેવજી, શીખ ધર્મ ના અનુયાઇઓ ના પહેલાં ગુરુ હતા. ગુરુ નાનક દેવજીએ શ્રી કરતારપુર સાહિબ ગુરુદ્વારા ની સ્થાપના કરી હતી.