જંગલ જમાદારોને કાયમી કરવામાં ન આવતા આંદોલનની ચીમકી ઉચ્ચારી

અરવલ્લીઃ છેલ્લા ઘણા સમયથી જંગલ જમાદારો કાયમી કરવાની માંગણી કરી રહ્યા છે. જેથી અરવલ્લી જિલ્લાના મોડાસા માલપુર અને મેઘરજ વન વિભાગના રોજમદારોએ જિલ્લા વન વિભાગના મદદનીશ વન સંરક્ષણ અધિકારીને આવેદનપત્ર આપ્યું હતું.

આવેદનપત્રમાં રોજમદારોને 15 ઓગસ્ટ પહેલા કાયમી કરવાની માંગણી કરી છે. જો આ માગણીને સ્વીકારવામાં નહીં આવે તો, 15મી ઓગસ્ટના રોજ તમામ રોજમદારો પોતાની કચેરીમાં મોઢા પર કાળી પટ્ટી બાંધી વિરોધ કરી અસરકારક આંદોલનની શરૂઆત કરશે.