સેજલની બંને કિડની ખરાબ થતાં છેલ્લા બે વર્ષથી ડાયાલિસિસ પર જીવનદોર ખેંચી રહી હતી. આ પીડા તેના પિતાને સહન ન થતાં તેમણે પોતાની એક કિડની દાન આપવાનું નક્કી કરતા સેજલનું અંધકારમય ભવિષ્ય પ્રજ્વલિત થઈ ગયું હતું.
પિતાએ કર્યું દિકરીને કિડની દાન
કહેવાય છે કે, ભગવાન જ્યારે બધા જ રસ્તા બંધ કરે ત્યારે કોઈ એક રસ્તો ચોક્કસ ખોલી આપે છે. બે વર્ષ બાદ ડોક્ટર સાથે સલાહ લેતા તેમણે કિડની ટ્રાન્સપ્લાન્ટ કરાવવાની સલાહ આપી હતી. પરંતુ, આ માટે કિડની મેચ થવું એ પણ મોટી સમસ્યા હતી. જો કે, કાંતિભાઈની કિડની મેચ થઈ જતા 50 વર્ષના કાંતિભાઈએ તેમની દીકરી સેજલને કિડની આપવાનો મક્કમ નિર્ણય લીધો છે. તેમણે દીકરીને તો નવજીવન આપ્યું જ છે પણ સાથે સાથે અન્ય લોકો માટે પણ તેઓ પ્રેરણાસ્ત્રોત બન્યા છે.
