અરવલ્લી: જિલ્લામાં કોરોનાની દહેશત છવાઇ રહી છે, ત્યારે કોરોના વાઇરસના દર્દીઓનો આંક વધતા લોકોમાં અને દુકાનદારોમાં ભય ફેલાયો છે. જેના પગલે બાયડ નગરના દુકાનદારોએ દુકાનો અમુક સમય સુધી જ ખુલ્લી રાખવાનો સ્વયંભૂ નિર્ણય કર્યો છે.
બાયડ નગરપાલિકાએ દુકાનો બપોરના 2 વાગ્યા સુધી ખુલ્લી રાખવાનો નિર્ણય કર્યો
બાયડ નગરના વેપારીઓએ નગરપાલિકા તંત્ર સાથે બેઠક કરી હતી. તેમજ દુકાનો સવારે 7 વાગ્યાથી બપોરના 2 વાગ્યા સુધી જ ખુલ્લી રાખવા સ્વયંભૂ તૈયારી દર્શાવી હતી.
હવે બાયડ નગરપાલિકાએ પણ આ અંગે નિર્ણય લઇ દૂધ, શાકભાજી અને મેડિકલ સિવાયની દુકાનો બપોરના 2 વાગ્યા પછી બંધ રાખવાનું જાહેર કર્યુ છે.
