BAPS સ્વામિનાયારણ સંસ્થાએ કોવિડ હોસ્પિટલ્સમાં ઓક્સીજન કોન્સ્ટ્રેટ મશીન દાન કર્યા

અરવલ્લી જિલ્લાના મુખ્ય મથક મોડાસામાં આવેલા BAPS સ્વામિનાયારણ સંસ્થા દ્વારા નગરની સરકારી અને ખાનગી હોસ્પિટલમાં 15 લાખની કિંમતના ઈમ્પોર્ટેડ 8 ઓક્સીજન કોન્સ્ટ્રેટ મશીન અને 16 ઓકસીમીટરનું દાન કરવા આવ્યુ હતું.

• મોડાસા જિલ્લામાં BAPS સંસ્થાન દ્વારા ઑક્સિજન કૉન્સન્ટ્રેશન મશીન દાન કરવામાં આવ્યા
• મશીનો યુકેથી મંગાવવામાં આવ્યા હતા
• 4 ખાનગી અને 4 સરકારી હોસ્પિટલને આપવામાં આવ્યા

મોડાસા :કોરોનાની બીજી લહેરમાં હાલ સૌથી વધુ અછત ઓક્સિજન વર્તાઇ રહી છે. પ્રાણવાયુની અછતને લઇને કેટલાય કોરોનાગ્રસ્ત દર્દીઓએ પ્રાણ ગુમાવ્યા છે. ઓક્સિજન મેળવવા માટે દર્દીઓના સગાઓને ભારે મુશ્કેલીનો સામનો કરવો પડે છે. આવા સંજોગોમાં અરવલ્લી જિલ્લામાં કોરોનાના વધતા કહેર વચ્ચે BAPS સ્વામિનારાયણ સંસ્થા દ્વારા ઑક્સિજન કૉન્સન્ટ્રેશન મશીન કૉવિડ હૉસ્પિટલ્સમાં દાન આપવામાં આવ્યા છે.

મશીનો યુકેથી ઇપોર્ટ કરવામાં આવ્યા

સંસ્થા દ્વારા આ મશીન યુ.કેથી ઇપોર્ટ કરવામાં આવ્યા છે. ઑક્સિજન કૉન્સન્ટ્રેશન મશીન સામાન્ય ઑક્સિજનની જરૂરિયાતવાળા દર્દીઓ માટે આશિર્વાદ રૂપ સાબિત થશે. વીજ સંચાલીત આ ઑક્સિજન કૉન્સન્ટ્રેશન મશીન ઓટોમેટીકલી હવામાંથી ઑક્સિજન તૈયાર કરે છે. એક મશિનથી બે દર્દીઓને ઑક્સિજન આપી શકાય છે. મોડાસા BAPS સ્વામિનારાયણ મંદિર દ્વારા ચાર મશીન સરકારી કોવિડ હૉસ્પિટલ્સમાં જ્યારે ચાર મશીન અન્ય ખાનગી કોવિડ હૉસ્પિટલમાં દાન આપવામાં આવ્યા છે. સ્વામિનારાયણ સંસ્થા દ્વારા આપવામાં આવેલા આ ઑક્સિજન કૉન્સન્ટ્રેશન મશીન થકી દર્દીઓને સારો એવો લાભ થશે.

આ પણ વાંચો : BAPS સ્વામિનારાયણ સંસ્થા દ્વારા જીજી હોસ્પિટલને પ્રાણવાયુની સહાય

મૃતક દર્દીઓ માટે કરવામાં આવી પ્રાથના

મોડાસાના ખ્યાતનામ ઈએનટી સર્જન અને બીએપીએસ સંસ્થા સાથે સંકળાયેલા ર્ડો.જીતેન્દ્ર પટેલના જણાવ્યા અનુસાર મોડાસાના BAPS સંસ્થાના સંતો અને સ્થાનીક ટ્રસ્ટીઓની ઉપસ્થિતીમાં સાર્વજનીક અને ખાનગી હોસ્પિટલમાં અર્પણ કરવામાં આવ્યા હતા.કોરોના સંક્રમીત દર્દીઓ ઝડપથી સાજા થાય તેમજ કોરોનાથી મોત નીપજેલ મૃતકો માટે પ્રાર્થના કરવામાં આવી હતી.