અરવલ્લી તેમજ સમગ્ર ગુજરાતમાં દિન પ્રતિદિન અકસ્માતનું પ્રમાણ વધી રહ્યું છે. ત્યારે અરવલ્લીના વાહન ચાલકોમાં ટ્રાફિક નિયમો અંગે જાગૃતિ લાવવા ટ્રાફિક પોલીસ દ્વારા માર્ગ સલામતી સપ્તાહ ઉજવણી કરવામાં આવી હતી. દરેક વાહનચાલકોને ગુલાબનું ફૂલ અને પત્રિકા આપી ટ્રાફિક નિયમો અંગે માહિતીગાર કર્યા હતા. વાહનચાલકોને લાયસન્સ ,વાહનોના ડોક્યુમેન્ટ, વાહન ધીમે ચલાવો, નશાયુક્ત પદાર્થોનું સેવન કરી વાહન ન ચલાવવું ,ટ્રાફિક સંજ્ઞાઓનો અમલ કરવો, ગતિ મર્યાદાના નિયંત્રણો,અને અકસ્માત અંગે પોલીસને તુરંત જાણ કરવી, સલામતી ડ્રાઈવિંગ ,વાહનો પર HSRP નંબર પ્લેટ ફરજિયાત જેવી અગત્યની સૂચનાઓ અંગે વાહનચાલકોને માહિતગાર કરવામાં આવ્યા હતા.
મોડાસા ટ્રાફિક PSI કે.કે રાજપૂત, ASI બાલુસિંહ ચૌહાણ અને સમગ્ર અરવલ્લી ટ્રાફિક પોલીસએ ગુલાબનું ફૂલ અને પત્રિકા આપી વાહનચાલકોને ટ્રાફિક નિયમની માહિતી આપી હતી. આ ટ્રાફિક જાગૃતિ અભિયાન દ્વારા ટ્રાફિકના નિયમોનું પાલન થાય તેવા હેતુસર કરવામાં આવ્યું હતુ.
