અરવલ્લીઃ દિલ્હીમાં આમ આદમી પાર્ટીએ પ્રચંડ બહુમતથી વિજય મેળવતા દેશભરમાં આપના કાર્યકર્તાઓમાં ખુશીની લહેર છવાઈ છે. અરવલ્લી જિલ્લાના આમ આદમી પાર્ટી કાર્યકરોમાં ભારે ઉત્સાહ જોવા મળ્યો હતો. મોડાસા શહેર સહિત તાલુકા મથકો ખાતે આમ આદમી પાર્ટીના કાર્યકર્તાઓએ ફટાકડા ફોડી મોં-મીઠું કરાવી જીતનો જશ્ન મનાવ્યો હતો.
મોડાસા શહેરમાં ચાર રસ્તા ખાતે અરવલ્લી જિલ્લા આમ આદમી પાર્ટીના પ્રમુખ ડી. બી. ડામોર , ઉપપ્રમુખ ઉસ્માન લાલા, પોપટભાઈ બારીયા, મહામંત્રી ભરત ઠાકોર, સહિત મોડાસા તાલુકાના પદાધિકારીઓ અને કાર્યકરોએ ફટાકડા ફોડી વિજયોત્સવ મનાવ્યો હતો. મેઘરજ અને ભિલોડામાં પણ આમ આદમીના કાર્યકરોએ ફટાકડા ફોડી મોં-મીઠું કરાવી જીતનો જશ્ન મનાવ્યો હતો.
