આણંદમાં 15 જુલાઈથી ટ્યૂશન ક્લાસીસમાં શરૂ કરાશે ઓફલાઇન શિક્ષણ

રાજ્ય સરકારે ટ્યૂશન ક્લાસીસ ( Tuition Classes ) ખોલવા અંગે મંજૂરી આપ્યા બાદ 15 જુલાઈથી રાજકોટ ખાતેનાં ધોરણ 9થી પોસ્ટ ગ્રેજ્યુએટ સુધીના કોચીંગ સેન્ટર્સ, ટ્યૂશન ક્લાસીસ અને તમામ પ્રકારની સ્પર્ધાત્મક ભરતી અંગેની પરિક્ષાઓ માટેના ક્લાસીસને આગામી 15 જુલાઈથી નિયત SOP ( Corona Guidelines ) અનુરૂપ શરૂ કરવા સરકાર દ્વારા હુકમ કરવામાં આવ્યા છે.

• કોરોનાના ઘટતા કેસોને લઈને રાજ્ય સરકારનો નિરણય
• આણંદ જિલ્લામાં 15 જુલાઈથી ટ્યૂશન ક્લાસીસ શરૂ કરાશે
• સરકારની નિયત SOP અનુરૂપને અનુરૂપ ક્લાસીસ શરૂ કરવા આદેશ

આણંદ : કોરોનાની બીજી લહેર કાબુમાં આવતા સરકાર દ્વારા ટ્યૂશન ક્લાસીસ ( Tuition Classes ) ખોલવા અંગે નિર્ણય લેવામાં આવ્યો હતો. રાજ્યમાં ટ્યૂશન ક્લાસીસ કોરોનાની ગાઇડલાઇન ( Corona Guidelines ) ને ધ્યાને રાખીને 15 જુલાઈથી શરૂ કરવામાં આવશે. અત્યાર સુધી તમામ ટ્યૂશન ક્લાસીસમાં ઓનલાઇન શિક્ષણ (Offline Education ) આપવામાં આવતું હતું, પરંતુ સરકારના આ નિર્ણય બાદ વિધાર્થીઓ ઓફલાઇન શિક્ષણ આપવામાં આવશે.

આ પણ વાંચો: રાજકોટમાં ટ્યૂશન ક્લાસ 50 ટકા કેપેસિટી સાથે 15 જુલાઈ શરૂ થશે

પર્સનલ કોચિંગ પણ પર થયા હતા બંધ

સામાન્ય રીતે શાળા કોલેજમાં અભ્યાસ કરતા વિદ્યાર્થીઓને જ્યારે કોઈ ચોક્કસ વિષયમાં અભ્યાસ માટે મુશ્કેલી પડતી હોય છે, ત્યારે વિદ્યાર્થી જે તે વિષયમાં વધુ મહેનત કરવા માટે પર્સનલ કોચિંગ બંધાવતા હોય છે. આથી, શાળા સાથે પર્સનલ કોચિંગ પણ વિધાર્થીઓને સારૂ પરિણામ મેળવવા માટે મદદરૂપ થઇ શકે છે. માર્ચ 2020 માં લોકડાઉન લાગુ થયા બાદ વિદ્યાર્થીઓ માટે શાળા સાથે પર્સનલ કોચિંગ પણ બંધ રહ્યા છે.

જિલ્લામાં 500થી વધુ ટ્યૂશન ક્લાસીસ કાર્યરત

આણંદ જિલ્લામાં શિક્ષણ ક્ષેત્રે ઘણી નાની મોટી સંસ્થાઓ કાર્યરત છે, જ્યાં રાજ્ય સાથે દેશ વિદેશીથી વિદ્યાર્થીઓ અભ્યાસ માટે આવતા હોય છે. આ સંસ્થાઓને કારણે આણંદ જિલ્લામાં ટ્યૂશન વ્યવસાય પણ ખૂબ મોટા પ્રમાણમાં વિસ્તર્યો છે. જિલ્લામાં અંદાજીત 500થી વધુ નાના મોટા ટ્યૂશન ક્લાસીસ કાર્યરત છે, જે વિવિધ વિષયો પર વિદ્યાર્થીઓને પડતી મુશ્કેલી દૂર કરવા અને વિદ્યાર્થીઓને સારા પરિણામ મેળવવામાં મદદરૂપ બની રહ્યા હતા.

આ પણ વાંચો: 15 જુલાઇથી ધોરણ 12ની સ્કૂલો અને કોલેજો 50 ટકા કેપેસિટી સાથે શરૂ કરાશે

સરકારની SOPને ધ્યાને રાખીને ક્લાસીસ શરૂ કરાશે

બીજી લહેરમાં કોરોનાની કપરી પરિસ્થિતિ બાદ રાજ્યમાં હાલ સ્થિતિ નિયંત્રણમાં હોવાથી સરકાર દ્વારા વિદ્યાર્થીઓને 50 ટકા ક્ષમતા સાથે નવી SOPને ધ્યાને રાખીને 15 જુલાઇથી ટ્યૂશન ક્લાસીસ શરૂ કરવા માટે અનુમતિ આપવામાં આવી છે. આ બાદ આણંદના ટ્યૂશન સંચાલકો સાથે થયેલી ખાસ વાતચીતમાં ટ્યૂશન વ્યવસ્થિત રીતે અભ્યાસના વિષયોમાં પડતી અગવડતાને દૂર કરી પરિણામ સુધારવામાં વિદ્યાર્થીઓને મદદરૂપ બને તેવી લાગણી વ્યક્ત કરી હતી.