આણંદઃ વિશ્વમાં ચાલતાં કોરોના સંકટના કારણે જ્યારે એક મહિનાથી દેશ સંપૂર્ણ lock down છે ત્યારે કોરોના સંક્રમણને લઈને અનેક મુદ્દાઓ પરેશાન કરી રહ્યાં છે. જેમાં મોટીસંખ્યામાં ગરીબોને ભોજનનો મામલો પણ છે.ત્યારે આણંદમાં કર્મ ગ્રુપ જરૂરિયાતમંદો માટે આશરો બન્યું છે. જેણે દેશમાં હિંદુ મુસ્લિમ એકતાને એક અલગ જ આયામ આપી બંધારણના સિદ્ધાંતને સાબિત કરી સર્વ ધર્મ સમભાવનો સંદેશ આપ્યો છે.
કર્મ ને ધર્મ બનાવી આ ગ્રૂપના સદસ્યો 600 ભૂખ્યાંને ભોજન પહોંચાડી રહ્યાં છે આણંદમાં 27 એપ્રિલ સુધીમાં કોરોનાના 58 કેસ સામે આવી ચૂક્યાં છે બીજી તરફ lock down અને કામ ધંધા બંધ હોવાથી સમાજનો ગરીબ અને મજૂર વર્ગ કામ ન હોવાના કારણે આર્થિક બેહાલ બન્યો છે. એક ટંકનું ભોજન પણ ખરીદી શકવાની તેમની પરિસ્થિતિ રહી નથી, તેવા સંજોગોમાં નાતજાતને એકતરફ મૂકી આણંદના કર્મ ગ્રુપના સભ્યો દ્વારા રોજ 600 કરતાં વધારે ભૂખ્યાંજનોનો જઠરાગ્નિ ઠારવા શુદ્ધ અને પૌષ્ટિક ભોજન પહોંચાડવામાં આવે છે.આ ગ્રુપમાં હિન્દુ અને મુસ્લિમ બંને કોમના યુવાનો સાથે મળી કર્મને ધર્મ બનાવી કોઈપણ જાતના ભેદભાવ વગર તનમન અને ધનથી દિવસરાત જરૂરિયાતમંદ સુધી ભોજન પહોંચાડવા માટે સેવા કાર્ય કરી રહ્યાં છે. આણંદની સામરખા ચોકડી પાસે આવેલ આરીફ બુખારીના ફાર્મમાં રસોડું ચલાવી કલેકટર ઓફિસમાંથી જરૂરી તમામ પ્રકારની મંજૂરી મેળવી સરકારી guidelines ને ફોલો કરી આણંદના અનેક વિસ્તારોમાં તે ભોજન પહોંચાડી રહ્યાં છે. ખાસ કરીને આણંદ સુપરમાર્કેટ, ઝૂંપડપટ્ટી, ટાવર બજાર, જિલ્લા સેવા સદન, નેશનલ હાઈવે પરથી પસાર થતા ટ્રક ડ્રાઇવરોને સાંજનું ભોજન પૂરું પાડવામાં આવી રહ્યું છે. જેને સમાજનો જાગૃત વર્ગ સરાહી રહ્યો છે.
કર્મ ને ધર્મ બનાવી આ ગ્રૂપના સદસ્યો 600 ભૂખ્યાંને ભોજન પહોંચાડી રહ્યાં છે વર્તમાન સમયમાં ચાલી રહેલા ગરમીના પ્રકોપ વચ્ચે પણ હિન્દુ મુસ્લિમ યુવાનો પૂરી નિષ્ઠાથી સેવામાં જોડાયેલા રહે છે મુસ્લિમ સમાજના યુવાનોને રમઝાન માસ ચાલુ હોવા છતાં ઉત્સાહથી ગરીબો સુધી ભોજન પૂરું પાડવા નિયમિત સેવા આપી રહ્યાં છે.
કર્મ ને ધર્મ બનાવી આ ગ્રૂપના સદસ્યો 600 ભૂખ્યાંને ભોજન પહોંચાડી રહ્યાં છે આણંદ શહેરમાં ચાલી રહેલું કર્મ ગ્રુપ ખરેખર હિન્દુ-મુસ્લિમ એકતાનું સરસ ઉદાહરણ છે જે આજે દેશ માટે મહામારીની બીમારી સામે લડતાં સાચી સમાજસેવા કરી રહ્યું છે.
કર્મ ને ધર્મ બનાવી આ ગ્રૂપના સદસ્યો 600 ભૂખ્યાંને ભોજન પહોંચાડી રહ્યાં છે 
