ઓડ ગામે નગરપાલીકાની ચૂંટણીની અદાવતમાં બે જૂથ વચ્ચે અથડામણ થઇ હતી. જેમાં સાત લોકોને ઇજા પહોંચી હતી. જે ઇજાગ્રસ્તોને સારવાર અર્થે હોસ્પિટલ ખાતે ખસેડવામાં આવ્યાં હતાં. આ ઘટનાને લઇને બંને પક્ષઓએ સામ સામે ફરીયાદ દાખલ કરી હતી. આ સમગ્ર ઘટના બની હોવાની જાણ ખંભોળ જ પોલીસને થતાં જ પોલીસનો કાફલો ઓડ ગામ ખાતે પહોંચી ગયો હતો અને એકત્ર થયેલા બન્ને પક્ષોના ટોળાઓને વિખેરી નાખ્યાં હતાં, ત્યારબાદ ઇજાગ્રસ્તોને વધુ સારવાર અર્થે આણંદની અલગ-અલગ હોસ્પિટલો ખાતે ખસેડવામાં આવ્યા હતાં. આ ઘટનાને લઇને ખંભોળ જ પોલીસે બન્ને પક્ષોની ફરિયાદો લઈને રાયોટીંગના ગુનાઓ દાખલ કરી તેમાં ત્રણ લોકોની ધરપકડ કરીને આગળની કાર્યવાહી હાથ ધરી છે.
ઓડ નગરપાલિકાની ચૂંટણી બની લોહીયાળ, બે જૂથ વચ્ચેની અથડામણમાં 7 ઘાયલ
