ઓનલાઈન ખરીદી કરતાં ચેતજો, જાણો આ કિસ્સા વિશે

કહેવાય છે કે, 21મી સદી ટેકનોલોજીનો યુગ છે, ત્યારે ટેકનોલોજીના ઉપયોગ થકી આજે નાગરિકોની ઘણી આદતોમાં બદલાવ આવી રહ્યો છે. જેમાં ખરીદવેચાણ માટે હવે ઓનલાઈન ખરીદીનું ચલણ ખૂબ વધવા લાગ્યું છે. ત્યારે આ સાથે સંકળાયેલી આપ-લેમાં છેતરપિંડીની ઘટનાની સંખ્યામાં વધારો નોંધાય છે.

આણંદઃ દેશમાં ચાલી રહેલા વર્તમાન લોકડાઉનના કારણે સોશિયલ ડિસ્ટન્સ રાખવું આવશ્યક બન્યું છે. ત્યારે હવે લોકો દ્વારા ઓનલાઇન ખરીદી પર ભાર મૂકવામાં આવી રહ્યો છે. નાગરિકોમાં ઓનલાઇન ખરીદી વિશે આવેલ જાગૃતિ સાથે સાથે ઓનલાઈન છેતરપિંડીના તેટલા જ વધુ બનાવ બનવા પામ્યાં છે.

આણંદ જિલ્લાના વિદ્યાનગર ખાતે રહેતા એક મહિલાએ facebook ઉપર લોભામણી જાહેરાત જોઈ તેમના બાળક માટે રમકડાનો ઓર્ડર આપવો ભારે પડ્યો હતો. મહિલાએ જાગૃકતા દાખવી પોલીસને જાણ કરતાં પોલીસની મદદથી મહિલા નાણાં પરત મેળવવામાં સફળ નીવડી હતી. ETV Bharatએ આ મહિલાની મુલાકાત લઇ તેની આપવીતી સાંભળી હતી. જાણો મહિલા સાથે બનેલી ઓનલાઈન ઠગાઈની બનેલી ઘટના વિશે વિસ્તૃત માહિતી મહિલાના શબ્દોમાં.

ભોગ બનનાર ભાવિકાબહેન પટેલે ETV Bharat ને જણાવ્યું હતું કે મે મહિનાની 26 27 તારીખે facebook ઉપર જ્યારે syska toy કંપનીની પોસ્ટ જોઈ તો બાળક માટે બેટરી સંચાલિત ગાડી મંગાવવાની ઈચ્છા થઈ, તો માર્કેટિંગ પેજ પર આપવામાં આવેલ મોબાઈલ નંબર પર સંપર્ક કરી કારનાં ફોટોઝ મંગાવ્યાં હતાં.સામેથી આવેલ ફોટોઝમાંથી એક કાર પસન્દ આવતાં એ ખરીદવા ઇચ્છા વ્યક્ત કરી હતી, અને તે માટે માગેલ 17,500 રૂપિયા rtgs થકી syska car toyના ખાતામાં જમા કરાવ્યાં હતાં.

નાણાં ડિપોઝિટ કર્યા બાદ ઘણાં દિવસો સુધી કોઈ પ્રતિભાવ ન આવતા ભાવિકાબહેને પેજ પર આપવામાં આવેલા નંબર પર સંપર્ક કર્યો તો પહેલાં સામેથી થોડા વાયદા કરવામાં આવ્યાં અને ભાવિકાબહેન દ્વારા વારંવાર માગણી કરતાં સામેવાળાએ તેમના ફોન ઉપાડવાના બંધ કરી દીધાં હતાં. ત્યારે તેમને અનુભવ થયો હતો કે પોતે છેતરાયાં છે. જેથી તરત તેમણે વિદ્યાનગર પોલીસ સ્ટેશનનો સંપર્ક કરવામાં આવ્યો.

ઓનલાઈન ખરીદી કરતાં ચેતજો, જાણો આ કિસ્સા વિશે

આણંદના વિદ્યાનગર પોલીસ દ્વારા આ મુદ્દે dysp બી ડી જાડેજાના માર્ગદર્શન હેઠળ માત્ર ગણતરીના કલાકોમાં ભાવિકાબહેનને ઓનલાઈન ફ્રોડમાં થયેલી આર્થિક છેતરપિંડીના 100 ટકા નાણાં પરત અપાવ્યાં હતાં તથા મહારાષ્ટ્રના ઈસમ સામે આઈ ટી એકટ અને ઇપ્કોની જુદીજુદી કલમો અંતર્ગત ગૂનો દાખલ કરી કાર્યવાહી હાથ ધરી છે.આ ઘટના અંગે ETV Bharatના માધ્યમથી આણંદ ડિવિઝનના dysp બી ડી જાડેજાએ પ્રજાને જાગૃત બનવા માટે અપીલ કરી હતી. સાથે જ જો કોઈ વ્યક્તિ સાથે આવી ઘટના બને તો પોલીસનો સંપર્ક કરી જરૂરી પુરાવા આપી આવી ઘટનામાં પોલીસની મદદ મેળવી શકો છો.