અમરેલી બાયપાસ રોડ, ગુજ કો. મીલની પાછળ રહેતી મહિલા બુટલેગર સવિતાબેન ગઢવીને બે વર્ષ માટે છ જિલ્લાઓમાંથી તડીપાર કરી દેવાઈ છે. આધેડ ઉંમરની આ મહિલા અનેકવાર દારૂબંધીની જોગવાઈઓનો ભંગ કરી દારૂની ગેરકાયેદસર પ્રવૃતિઓ ચલાતી હોવાના ગુના નોંધાયા છે.
દારૂના 20થી વધુ ગુનામાં આરોપી મહુલા બુટલેગરને ઉચ્ચ પોલીસ અધિકારીઓના માર્ગદર્શન હેઠળ હદપારીની દરખાસ્ત કરવામાં આવી હતી. જ્યાં SDM દ્વારા આ બુટલેગર મહિલાને અમરેલી સહિત આસપાસના જૂનાગઢ, ભાવનગર, બોટાદ, ગીર-સોમનાથ, રાજકોટ જિલ્લામાં તડીપાર કરવાનો નિર્ણય કર્યો છે. આ નિર્ણય હેઠળ સવિતા ગઢવીને આ જિલ્લાઓના સરહદની બહાર મોકલવાની તજવીજ હાથ ધરાઈ હતી. આ બાદ તમામ જિલ્લાના બુટલેગરોમાં ફફડાટ વ્યાપી ગયો છે.
