અમરેલીમાં કોરોના વોરિયર્સ પર હુમલો કરનાર ઇસમની પાસા હેઠળ ધકપકડ

સમગ્ર દેશમાં જ્યારે કોરોનાને લઇ લોકડાઉન ચાલી રહ્યું છે. ત્યારે પ્રજાની રક્ષા કરવા માટે કોરોના વોરિયર્સ દિવસ અને રાત્રે પોતીની ફરજ બજાવી રહ્યા છે. આવી સ્થિતિમાં અમુક લોકો કોરોના વોરિયર્સ પર હુમલો કરતા હોય છે. આવી જ એક ઘટના અમરેલીમાં બની છે જ્યા એક ઇસમે કોરોના વોરિયર્સ પર હુમલો કર્યો હતો. જેની ધરપકડ કરી પોલીસે આગળની કાર્યવાહી શરૂ કરી છે.

અમરેલી : જિલ્લામાં કોરોના વોરિયર્સ પર હુમલો કરનાર ઇસમને પાસા હેઠળ લાજપોર મધ્યસ્થ જેલ સુરત ખાતે ધકેલાયો છે.

કોરોના સામે લડવા સમગ્ર દેશમાં લોકડાઉન જાહેર કરવામાં આવ્યું છે, લોકડાઉનનો ચુસ્ત પણે અમલ થાય તેને લઈને પોલીસ સતત મહેનત કરી રહી છે. એવામાં અમરેલીના વાકિયા ગામે રહેતા મહીપત દિલુભાઈ વાળા નામનો ઇસમ બિનજરૂરી ફરતા તેને સમજાવા છતા તેણે GRD જવાન પર હુમલો કરી, મારી નાખવાની ધમકી આપી હતી.

જે બાદ પોલીસ દ્વારા કડક કાર્યવાહી કરી તેને પાસા હેઠળ સુરતની લાજપોર મધ્યસ્થ જેલ ખાતે મોકલવામાં આવ્યો છે.