- તૌકતેને કારણે દરિયા કાંઠે આવેલા તાલુકામાં ભારે નુકસાન
- ભારે વરસાદ અને પવનના કારણે મીઠાનું ધોવાણ
- મીઠા ઉદ્યોગને સહાય માટે ખાસ પેકેજ જાહેર કરવા માટે માંગ
અમરેલી: જિલ્લાના દરિયાકાંઠે મીઠાનો ઉદ્યોગ મોટા પ્રમાણમાં કરવામાં આવે છે. વાવાઝોડાએ દરિયા કાંઠે આવેલા તાલુકામાં ખુબજ નુકસાન પહોચાડ્યું છે. રાજુલા જાફરાબાદ તાલુકાના દરિયા કિનારાના વિસ્તારોમાં હજારો એકર જમીનમાં મીઠાંનો ઉદ્યોગ વિકાસ પામ્યો છે. આં મીઠા ઉદ્યોગ સાથે સંકળાયેલી ખાનગી કંપનીઓ, નાના આગરિયા, સહકારી મંડળીઓ મીઠું ઉત્પાદન કરે છે. વાવાઝોડાના કારણે મીઠા ઉદ્યોગને ભારે નુકસાન થયુ છે.
ભારે વરસાદ અને પવનના કારણે ધોવાણ
આ કંપનીઓ આગરીયા અને મંડળીઓ દ્વારા એકઠું કરાયેલું મીઠું વાવાઝોડાના ભારે વરસાદ અને પવનના કારણે ધોવાણ થયું છે. તો ઘણું દરિયાના પાણીમાં વહી ગયું છે જે લાખો ટન મીઠું હતું. આથી, સંપૂર્ણ પણે નાશ પામ્યું છે. અગરોના પળા ટુટી ગયા, અગરોમાં જવા માટેના રસ્તા બંધ થઇ ગયા, ક્યારા ટુટી ગયા જે ફરીથી બાંધવા માટે લાખો રૂપિયાનો ખર્ચ થશે. જેના કારણે ખાનગી કંપનીઓ, સહકારી મંડળીઓ મુશ્કેલીમાં મુકાઈ છે.
સહાય માટે ખાસ પેકેજ જાહેર કરવા માટે માંગ
આવા સમયે આં વિસ્તારના ધારાસભ્ય અમરીશ ડેર દ્વારા મીઠા ઉદ્યોગને સહાય માટે ખાસ પેકેજ જાહેર કરવા માટે માંગ કરી છે. અમરીશ ડેર દ્વારા સોશિયલ મીડીયાના માધ્યમથી મુખ્યપ્રધાન સમક્ષ મીઠા ઉદ્યોગ સાથે સંકળાયેલા નાના આગરિયા, ખાનગી કંપનીઓ અને સહકારી મંડળીઓને સરકાર તરફથી યોગ્ય રાહત પેકેજ મળી રહે તે બાબતે માંગ કરી હતી. જાફરાબાદ વિસ્તારમાં 12 હજારથી પણ વધુ જમીનો પર મીઠા ઉત્પાદન થાય છે.
મીઠા સાથે સંકળાયેલા લોકોમા રોષ
અમરેલી જિલ્લામાં વાવાઝોડાના કારણે આં મીઠા ઉદ્યોગને ખુબ મોટું નુકસાન થયું છે. ત્યારે, મીઠા ઉદ્યોગને ફરી બેઠું કરવા માટે સરકાર તરફથી ખાસ પેકેજ જાહેર કરવામાં આવે એવી માંગ કરવામાં આવી હતી. રાજ્ય સરકાર હાલ વાવાઝોડાને પગલે થયેલા નુકસાનના કારણે ખેડૂતો અને અસરગ્રસ્ત ગામો અને શહેરમાં અલગ અલગ સહાય જાહેર કરી રહી છે. જ્યારે, મીઠા બાબત હજી સુધી 13 દિવસના અંતે પણ કોઈએ પોતાની ચૂપી તોડી નથી કે કોઈ જાહેરાત કરવામાં આવી રહી નથી. તેના કારણે લોકોમાં રોષ જોવા મળી રહ્યો છે.
