અમરેલી જિલ્લામાં આવેલા રાજુલા તાલુકાના ડુંગર ગામે પોલીસ મથકમાં 15 જુલાઇના રોજ ગુજરાત મનીલોન્ડ્રિગ એક્ટનો ગુન્હો નોંધાયેલો ધરપકડ કરવામાં આવેલા 4 આરોપીઓ પૈકી અલ્લારખા ભુહાને ડુંગર પોલીસ મથકના PSI વી.વી.પંડ્યાએ આરોપીને બુધવારની મોડી મંગળવારની રાત્રે 8:30 થી 11:30ના સમયગાળા સુધી સુખ સગવડ માટે મોકલી આપ્યા હતા.
જે અંગેની જાણ PSI ડોડીયા દ્વારા કરવામાં આવી હતી. જેને પગલે જિલ્લા પોલીસ વડા નિરલિપ્ત રાય દ્વારા PSI પંડ્યા વિરૂદ્ધ આરોપીને મદદ કરવા માટે અંગે FIR નોંધવાના આદેશ કર્યા હતા. જે બાદ PSI વી.વી.પંડ્યા વિરૂદ્ધ IPC 225 તેમજ આરોપી વિરૂદ્ધ IPC 224નો ગુન્હો નોંધી કોર્ટમાં રજુ કરવામાં આવ્યા હતા.
બુધવારના રોજ જિલ્લા પોલીસ વડા નિરલિપ્ત રાય PSI વી.વી પંડ્યાને સસપેન્ડ કરી દેવામાં આવ્યા છે. જે અંગે નિરલિપ્ત રાય દ્વારા પ્રેસ કોન્ફન્સ યોજીને માહિતી આપવામાં આવી હતી.
