રાજ્યમાં શિયાળુ પાકનું મોટા પ્રમાણમાં વાવેતરઃ નીતિન પટેલ

અમદાવાદ: સોલા ભાગવત ખાતે લવ-કુશ સંમેલનનું આયોજન કરવામાં આવ્યું હતું. આ કાર્યક્રમમાં રાજ્યના મુખ્યપ્રધાન વિજય રૂપાણી, નાયબ મુખ્યપ્રધાન નીતિન પટેલ, ભાજપના નેતા પુરૂષોત્તમ રૂપાલા સહિત વિરોધ પક્ષના નેતા પરેશ ધાનાણી અને અમદાવાદના મેયર ઉપસ્થિત રહ્યા હતા. ઉપરાંત કાર્યક્રમમાં મોટી સંખ્યામાં પાટીદારોએ પણ હાજરી આપી હતી.

પત્રકારોને સંબોધન કરતા નાયબ મુખ્યપ્રધાન નીતિન પટેલે જણાવ્યું કે, રાજ્યમાં શિયાળુ પાકનું મોટા પ્રમાણમાં વાવેતર કરવામાં આવ્યું છે. નર્મદા યોજના દ્વારા ખેડૂતોની જરૂરિયાત પ્રમાણે સિંચાઈનું પાણી આપવામાં આવી રહ્યું છે. બીજી તરફ સરદાર સરોવરમાં પણ પાણીનો સંગ્રહ છે. ત્યારે શિયાળુ પાકમાં જ્યાં જરૂર છે, ત્યાં ખેડૂતોને વધારે પાણી મળી રહે તે માટે નિર્ણય કરવામાં આવ્યો છે. કડી, કલોલ, સાણંદ, વિરમગામ, લખતર, વઢવાણ અને પાટડી તાલુકામાં બ્રાન્ચ કેનાલમાંથી પાણી છોડવામાં આવશે.