બોડી બિલ્ડર વિજયનું 10 વર્ષથી સપનું હતું કે, વિશ્વ કક્ષાએ બોડી બિલ્ડિંગની સ્પર્ધામાં ભાગ લેવો. પરંતુ, વિજય શિંદેની આર્થિક પરિસ્થિતિ એટલી સારી ન હતી તેઓ આંતરરાષ્ટ્રીય કક્ષાએ ભાગ લઇ શકે. સદનસીબે ઓલ્મપિયા 2019નું આયોજન મુંબઇમાં થઇ રહ્યું છે, તેથી તેમણે ગુજરાતમાંથી એક જ બોડી બિલ્ડર તરીકે નામ રજિસ્ટ્રેશન કરાવ્યું છે અને તેઓ ઓલ્મિયામાં ભાગ લઇ રહ્યા છે. પરંતુ, આ ઓલમ્પિયામાં ભાગ લેવા માટે અથાગ પ્રયત્નો કરવા પડ્યા હતા અને તેમાં તેને જીમના માલિકે પણ મદદ કરી હતી.
ગુજરાતના બોડી બિલ્ડર વિજય શિંદે
મુંબઇમાં બોમ્બે એક્સિઝબિશન સેન્ટરમાં 15 નવેમ્બરથી 17 નવેમ્બર એમ ત્રણ દિવસ મેન્સ એન્ડ વુમેન્સ બોડી બિલ્ડિંગ સ્પર્ધા યોજાશે. જેમાં એશિયાના તમામ દેશમાંથી બોડી બિલ્ડરો ભાગ લેવાના છે.
