ચાલુ વરસાદે પણ ગરબાની રમઝટ માણતા અમદાવાદી, સોશિયલ મીડિયામાં વીડિયો થયો વાયરલ

અમદાવાદ : શહેરમાં જુલાઈ મહિનાની શરૂઆતથી જ ગરબાની પ્રેક્ટિસ શરૂ થઈ ગઈ છે. જેમાં બાળકો, મહિલાઓ સાથે કપલ્સ પણ આવે છે. બધાને બસ એમ જ છે કે તેઓ સૌથી સારા દેખાવા જોઈએ અને તેમના સ્ટેપ્સ સૌથી પરફેક્ટ હોવા જોઈએ. અને એટલે જ તો તેમણે અત્યારથી પ્રેક્ટિસ કરવાની શરૂઆત કરી દીધી છે. અને ગરબા ક્લાસિસ જોઈન કરી પસીનો વહાવી રહ્યા છે.

હવે નવરાત્રીને ગણતરીના જ દિવસો બાકી રહ્યા છે. ત્યારે ખેલૈયાઓમાં અનેરો આનંદ જોવા મળી રહ્યો છે.ગુજરાતીઓ હોય અને ગરબા ન લે તો જ નવાઈ. પછી તે વતનમાં હોય કે વિદેશમાં, ઠંડી હોય કે ગરમી, ગુજરાતીઓને ગરબા લેવા માટે કોઈ તહેવાર કે ખાસ પ્રસંગના મોહતાજ નથી હોતા. શહેરમાં એક તરફ જ્યારે મેહુલિયો જામ્યો છે. ત્યારે આ ખેલૈયાઓ રેઇનકોટ વાળા ચણિયાચોળી પહેરી ને ફૂલ વરસાદમાં ગરબાની પ્રેક્ટિસ કરી રહ્યા છે.