અમદાવાદમાં કિન્નરોની દાદાગીરી CCTVમાં કેદ, પૈસા ન આપતા વેપારી સાથે કરી મારામારી

અમદાવાદઃ શહેરના એસ.જી.હાઈવે પર એક વેપારીએ ૩ મહિના પહેલા પોતાની નવી ઓફિસનું ઉદ્ઘાટન કર્યું હતું. તે સમયે 8 કિન્નરોએ ત્યાં આવી વેપારી પાસે નવી ઓફીસના ઉદ્ઘાટન માટે 30 હજાર રૂપિયાના બોનસની માંગણી કરી હતી. આટલી મોટી રકમ વેપારીએ આપવાની ના પાડી હોવા છતાં અનેક વખત કિન્નરો વેપારીની દુકાને પૈસાની માગણી કરવા આવી જતાં હતાં અને ઓફીસના સ્ટાફને હેરાન-પરેશ કરતા હતા.

કિન્નરો અનેક વખત વેપારીના ત્યાં પૈસા લેવા જતા હતા અને 30 હજાર રૂપિયાની જ માંગણી કરતા હતા. વેપારીએ 1000-1500ની રકમ આપવાની વાત કરી હતી, પરંતુ કિન્નરોને તો 30 હજાર રૂપિયા જ લેવા હતા. ત્યારબાદ સોમવારે ફરી વખત કિન્નરો વેપારીની ઓફીસ પહોંચીને પૈસાની માંગણી કરી હતી જે અંગે વેપારીએ ના પાડતા વેપારી સાથે ઝગડો કરી મારામારી કરી હતી. આ સમગ્ર ઘટના CCTVમાં કેમેરામાં કેદ થઇ હતી. વેપારીએ આ બનાવ અંગે વસ્ત્રાપુર પોલીસ સ્ટેશનમાં ફરિયાદ નોંધાવી હતી અને પોલીસે ફરિયાદને આધારે વધુ તપાસ હાથ ધરી છે.