શહેરના સીટીએમ વિસ્તારમાં એક્સપ્રેસ વે પાસે વાહન તપાસ કરવાના બહાને વાહનચાલકો પાસે 3 યુવકો રૂપિયા પડાવતા હોવાનું સામે આવતા શહેરના સ્થાનિક વેપારીઓએ આ ત્રણેયને પકડી પાડ્યા હતા. અગાઉ પણ ગોરના કુવા પાસેના ATMમાંથી લોકો પૈસા ઉપાડતા હતા ત્યારે પોલીસની ઓળખ આપીને લોકો પાસેથી પૈસા પડાવતા. આ 3 યુવકોને લોકોએ ખોખરા પોલીસને હવાલે કર્યા હતા.
નકલી પોલીસ બની લોકો પાસેથી પૈસા પડાવનાર 3 ઝડપાયા
આ ટોળકીના પંદરથી વધુ સાગરીતો જુદા જુદા વિસ્તારમાં લોકો પાસેથી નકલી પોલીસ બનીને તોડ કરતા હોવાનું બહાર આવ્યું હતું. સ્થાનિકોએ જ ત્રણેય યુવકોને ઝડપીને પોલીસના હવાલે સોંપ્યા હતા. તેમજ ત્રણેય વિરુદ્ધ ગુનો દાખલ કરી આગળની કાર્યવાહી હાથ ધરી હતી.
