અમદાવાદઃ તગડી સુંદરિયાણા રોડ ઘણા સમયથી બિસ્માર હાલતમાં હતો. આથી વાહનચાલકો અને રાહદારીઓને મુશ્કેલીનો સામનો કરવો પડી રહ્યો હતો. તેમજ આ રસ્તા પર અવારનવાર અકસ્માત પણ સર્જાતા હોય છે. આ વિસ્તારના સરપંચો અને ગ્રામ્ય આગેવાનોએ ધારાસભ્યને આ રોડનું નવીનીકરણ માટે રજૂઆતો કરી હતી. રાજ્ય સરકારમાં આ અંગે રજૂઆત કરતા સરકારે રૂપિયા 2 કરોડની ગ્રાન્ટ ફાળવી હતી, જે અનુસંધાને ધારાસભ્યોએ ધંધુકા માર્ગ અને મકાન વિભાગના અધિકારીને સાથે રાખી આ રોડનું ખાતમુહૂર્ત કરી તેવર રોડનું કામ શરૂ કરાવ્યું છે. આ રોડ પરના ગામડાઓ જેવા કે, તગડી, પીપળ, ઊંચડી, ચંદરવા તથા સુંદરિયાના રાહદારીઓ તેમજ વાહન ચાલકોને સંપૂર્ણ રાહત થશે.
ધંધુકા વિધાનસભા મતવિસ્તારના ધારાસભ્ય રાજેશ ગોહિલ (કોંગ્રેસ)ના છે, જ્યારે ગુજરાતમાં સત્તા પક્ષ તરીકે ભાજપની સરકાર છે ત્યારે તેમના મત વિસ્તારની સમસ્યાઓને દૂર કરવા રાજ્ય સરકારમાં પોતાની સૂઝબૂઝથી સરકારમાં રજૂઆત કરી હતી.
