વાયુસેનાના માર્શલ એરફોર્સમાં 5 સ્ટાર રેન્ક ધરાવે છે. જે સેનામાં ફિલ્ડ માર્શલની સમકક્ષ છે. અત્યાર સુધી સંરક્ષણ દળોના ત્રણ અધિકારીઓને જ આ દુર્લભ રેન્ક મળ્યો છે. આ રેન્ક ધરાવતા ભારતીય સેનાના અન્ય બે ફિલ્ડ માર્શલ કે .એમ .કરિઅપ્પા અને ફિલ્ડ માર્શલ સેમ માણેક શો છે. M.I.A.F જીવન પર્યાપ્ત હોદ્દો છે. ગર્વ સાથે પોતાનો ગણવેશ પહેરે છે.
એર માર્શલ અર્જન સિંહનું 98 વર્ષની વયે નિધન થયું હતું. 8મી જૂને તેમના જન્મના 100 વર્ષ પૂર્ણ થશે. જે નિમિત્તે ગાંધીનગર મહાત્મા મંદિરમાં બેન્ડ કોન્સર્ટનું આયોજન કરવામાં આવ્યું છે. આ કાર્યક્રમમાં એર ફોર્સમાં કેવી રીતે ભરતી થાય તે અંગે પણ લોકોને માહિતી આપવામાં આવશે. વાયુસેનાના ઉપકરણનું પ્રદર્શન પણ કરવામાં આવશે. જે આકર્ષણનું કેન્દ્ર રહેશે. સેલ્ફી પોઇન્ટ પણ રાખવામાં આવશે, જ્યાં લોકો એરફોર્સના ડ્રેસમાં સેલ્ફી લઈ શકશે. આ કાર્યક્રમ લોકો માટે ફ્રી હશે.
