આ ફિલ્મ એ આધુનિક યુગ પર આધારિત છે. તેમના સપનાઓ, અપેક્ષાઓ અને અનેક વસ્તુઓનો સમાવેશ કરવામાં આવ્યો છે. જેમાં કોલેજના ગ્રેજ્યુએશનના 5 દિવસ પહેલા વરૂણ (ભવ્ય ગાંધી) સ્ટોક માર્કેટની બેટિંગમાં 40 લાખ રૂપિયા જીતી જાય છે. ત્યારબાદ તે પોતાના ખૂબ જ પસંદીદા સ્ટાર્ટઅપ વિચાર માટે પોતાના બાળપણના મિત્રોને ભેગા કરીને તેમને પોતાના બિઝનેસ પાર્ટનર બનાવે છે. આ પાંચેય મિત્રો સાથે મળીને ઉદ્યોગસાહસિક માટેના નેશનલ લેવલના રિયાલીટી શોમાં ભાગ લેવા માટે જાય છે. ત્યારબાદ તેમના જીવનમાં શુ થાય છે અને કઈ રીતે તેઓ આગળ વધે છે તેવા તેમના સ્ટાર્ટઅપના અનેક પહેલુઓ આ ફિલ્મમાં સમાવી લેવામાં આવ્યા છે.
આ ફિલ્મમાં ભવ્ચ ગાંધી ( તારક મહેતામાં ટપ્પુનું પાત્ર કરનાર), જાનકી બોડીવાલા, દેવર્ષિ શાહ અને રાગી જાની મુખ્ય ભૂમિકામાં જોવા મળશે. આ ફિલ્મનું એંથમ ગીત 'બહુ ના વિચાર' એ ગુજરાતના શ્રેષ્ઠ ગુજરાતી ગીતકારો જીગરદાન ગઢવી, આદિત્ય ગઢવી, કીર્તિદાન ગઢવી, ઐશ્વર્યા મજમુદાર, પાર્થ ઓઝા અને અમિત જૈન દ્વારા ગાવવામાં આવ્યું છે.
