વધુમાં જણાવીએ કે, એરપોર્ટની આસપાસના નિયત કરતા વધુ ઉંચી બિલ્ડિંગ કે બાંધકામને લીધે ટેક-ઓફ કે લેન્ટ કરતી વખતે પેસેન્જર, ક્રુ સભ્યો અને લોકોના જીવ જોખમમાં મૂકાઈ શકે છે. આ અંગે સર્વે કર્યા બાદ એરપોર્ટ ઓથોરીટી ઓફ ઈન્ડિયા દ્વારા આશરે 41 જેટલી સોસાયટીને નોટિસ પાઠવામાં આવી હતી.
સાત મહિના પસાર થઇ ગયા છતાં કોઈ જ નકકર પગલા લેવામાં આવ્યા નથી. બિલ્ડિંગની ઉંચાઈ માપદંડ પ્રમાણે છે કે, નહિ તેની પણ કોઈ ખાસ નોંધ કે માહિતી રાખવામાં આવી ન હોવાનો અરજદારે આક્ષેપ કર્યો હતો.
દરરોજ સરેરાંશ 27થી વધુ ફ્લાઈટની અવરજવર ધરાવતા સુરત એરપોર્ટની આસપાસ આવેલી બિલ્ડિંગમાં કોલિઝન લાઈટ પણ લગાડવામાં આવી નથી. એટલું જ નહીં પેસેનજર, ક્રુ અને લોકોની અસલામતીને લઈને એરમેનને પણ કોઈ નોટિસ પાઠવામાં આવી નથી. આ પ્રકારની બેદરકારી બંધારણની કલમ 21નું ઉલ્લઘંન છે.
