અમદાવાદ : મોટેરા સ્ટેડિયમ ખાતે મોટી સંખ્યામાં પોલીસ બંદોબસ્ત ગોઠવવામાં આવ્યો છે, ત્યારે બંદોબસ્તમાં આવેલા પોલીસકર્મીઓ પોતાના વાહનો સ્ટેડિયમ બહાર અને સ્ટેડિયમ નજીક અડચણ રૂપ પાર્ક કર્યા હતા. જેથી ટ્રાફિક પોલીસ દ્વારા અડચણ રૂપ પાર્ક કરેલા તમામ વાહનો ટોઇંગ કર્યા હતા.
પોલીસકર્મીઓના વાહન પોલીસ દ્વારા જ ટોઇંગ કરાયા આ મામલે L ડિવિઝનના પીઆઇ સાથે વાતચીત કરતા તેેઓએ જણાવ્યું હતું કે બહારથી 10,000 જેટલા પોલીસકર્મીઓ બંદોબસ્તમાં આવ્યા છે અને તમામ માટે પાર્કિંગની વ્યવસ્થા કરવામાં આવી છે, ત્યારે જે વાહનો અડચણ રૂપ પાર્ક કર્યા છે તેને ટોઇંગ કરીને પાર્કિંગ ખાતે સલામત જગ્યાએ લઈ જવામાં આવ્યા છે અને કોઈ પણ વાહન ચાલક પાસે ટોઇનગનો દંડ વસુલવામાં નહીં આવે.
