બજેટ 2019 અંગે પ્રતિક્રિયા આપતા ગુજરાત વેપારી મહામંડળના પ્રમુખ દુર્ગેશ બુચે જણાવ્યું હતું કે, આ બજેટ અમારી અપેક્ષા પ્રમાણેનું નથી. વેપાર ઉદ્યોગ માટે મલ્ટીપલ ટેક્સ લેગસી ડિસ્પ્યુટ રેઝોલ્યુશન સ્કીમ આવકાર દાયક છે. આધારકાર્ડ નંબર એન્ટર કરી ઈન્ક્મટેક્સ રિટર્ન ભરી શકાય તે એક સારો પ્રયાસ છે. આ સિવાય વર્ષ 2019ના બજેટમાં અમારા માટે કઈ ખાસ નથી.
અમદાવાદના વેપરી મંડળના મતે આ વર્ષે સરકાર દ્વારા મેક ઈન ઇન્ડિયાને લઇ આજના બજેટમાં કઈ ન હતું. સાથે - સાથે વેપાર ઉદ્યોગ મતે કોઈ ફાયદાકારક વાત નાણાપ્રધાન દ્વારા કરવામાં આવી નથી. ગત વર્ષે મેક ઈન ઇન્ડિયાની વાત થઈ હતી. આ વર્ષે સ્ટડી ઈન ઇન્ડિયાની વાત થઇ છે.વિચારસરણી બદલાઈ છે. ગત વર્ષે ઇઝ ઓફ ડૂઈંગ બિઝનેસની વાત કરી હતી. આ વર્ષે ઈઝ ઓફ લિવિંગની સરકારે વાત કરી છે.
ઓવરઓલ આ વર્ષના બજેટમાં વેપારીઓ માટે કાંઈ ખાસ નથી. અમદાવાદના વેપારી મંડળના અસભ્યો આ વર્ષના બજેટથી નિરાશ થયા છે. મોદી સરકાર પર વિશ્વાસ રાખ્યો છે. આવનાર સમયમાં આમ જ પરિવર્તનો આવશે તેવી આશા વ્યક્ત કરી છે.
