પ્રાપ્ત વિગતો મુજબ જોઈએ તો ગુજરાતની તમામ 26 બેઠકો માટે હવે કોંગ્રેસ એકલા હાથે ચૂંટણી લડશે. વિતેલા થોડા દિવસોમાં ચર્ચાઓએ જોર પકડ્યું હતું કે, આ બંને પાર્ટીઓ વચ્ચે બેઠકોની વહેંચણીને લઈ ફોર્મ્યુલા અંતર્ગત રણનીતિ તૈયાર થઈ રહી છે.
હાલમાં મળેલી વિગતો મુજબ જોઈએ તો હવે ગુજરાતમાં કોંગ્રેસ NCP સાથે કોઈ ગઠબંધન કરશે નહીં. ગુજરાતમાં હમણા થોડા દિવસોથી સહમતી માટે એક ખાસ પ્રકારની ફોર્મ્યુલા અંતર્ગત કામ ચાલી રહ્યું હતું પણ હવે એવું લાગી રહ્યું છે કે, કંઈ ખાસ વાત બની શકી નથી. ત્યાર બાદ કોંગ્રેસે નક્કી કરી લીધું છે કે, હવે તેઓ તમામ 26 બેઠક પર એકલા હાથે ચૂંટણી લડશે.
