- કંપનીમાં સુતેલા મજૂરને માથાના ભાગે તિક્ષ્ણ હથિયારના ઘા ઝીંકી કરાઈ હત્યા
- હત્યારાઓ હત્યા નિપજાવી થયા ફરાર
- કંપનીનો કાયમી વોચમેન વતનમાં મતદાન કરવા જતા તેના બદલે અન્યને ફરજ પર મુકવામાં આવ્યો હતો
- મૃત્યુ પામેલ યુવક (મજૂર) કેલિયા વાસણા ગામનો રહેવાસી
- ધોળકા શહેર PI એલ. બી. તડવી દ્વારા તપાસ હાથ ધરાઈ
અમદાવાદઃ ધોળકા પોલીસ સુત્રોના જણાવ્યા પ્રમાણે ધોળકા શહેર વિસ્તારમાં મીઠી કુઈ નવા સ્વામિનારાયણ મંદિર સામે આવેલી મારુતિ જીન કંપનીમાં ગતરાત્રીના સુમારે મારુતિ જીનનો કાયમી વોચમેન પોતાના વતનમાં મતદાન કરવા જતા તેણે કંપનીમાં જ કામ કરતા મજૂરને તેના બદલે સુવડાવ્યો હતો ત્યારે તે મજૂરની રાત્રીના સમયે કોઈ અજાણ્યા હત્યારાઓએ તેના માથાના ભાગે તીક્ષ્ણ હથિયારના ત્રણ ઘા ઝીંકી હત્યા કરી રફુચક્કર થઈ ગયા હતા.
DYSP રીના રાઠવા હત્યાના ઘટનાસ્થળે દોડી આવ્યા
કંપનીમાં કામ કરતા મજૂર ધોળકા તાલુકાના કેલિયા વાસણા ગામનો વતની હોવાનું જાણવા મળ્યું છે. આ મજુર યુવકની હત્યા કોણે અને શા માટે કરી? તે અંગેના પ્રશ્ને તપાસ આગળ ચલાવવામાં આવી રહી છે. આમ મૃત્યુ પામનારને સંતાનોમાં બે પુત્રો હોવાની વાત સામે આવી છે. આમ ધોળકા શહેર પોલીસે કલમ 302 મુજબ ફરિયાદ નોંધી હત્યારાને ઝડપી લેવા ચક્રો ગતિમાન કરી PI એલ. બી. તડવી દ્વારા વધુ તપાસ હાથ ધરવામાં આવી છે.
