વર્ષ 2015માં દરિયાપુરના ધારાસભ્ય ગ્યાસુદિન શેખે બાબુલાલ સૈયદ ઉપર ફેસબુક પર તેમના ફોટા સાથે મહિલા હોય તેવો ફોટો અપલોડ કર્યા હોવાના દાવા સાથે સાઈબર ક્રાઈમમાં ફરિયાદ નોંધાવી હતી. જો કે, બાદમાં મેટ્રો કોર્ટમાં કેસની ટ્રાયલ દરમિયાન ફરિયાદી ધારાસભ્ય વારંવાર સમન્સ પાઠવ્યા છતાં હાજર ન રહેતા કોર્ટે તેમની વિરૂદ્ધ જામીનપાત્ર વોરન્ટ જારી કર્યું હતું.
આ મુદે વાતચીત કરતા બાબુદાલ સૈયદના વકીલ શમશાદ પઠાણે જણાવ્યું હતું કે, ધારાસભ્ય ગ્યાસુદિન શેખ દ્વારા સાઈબર ક્રાઈમમાં ફરિયાદ દાખલ કરવામાં આવી હતી. પરતું ફરિયાદને સાબિત કરવા માટે જ્યારે કોર્ટે સમન્સ પાઠવ્યું ત્યારે હાજર ન રહેતા તેમની વિરૂદ્ધ જામીનપાત્ર વોરન્ટ કાઢવામાં આવ્યું છે.
