પૂજા શ્રોફે નિત્યાનંદને વિદેશ ભગાડ્યોઃ જનાર્દન શર્મા

અમદાવાદઃ હાથીજણ ખાતે આવેલા નિત્યાનંદ આશ્રમની બંને સાધિકા પ્રાણપ્રિયા અને પ્રિયાતત્વની જામીન અરજી સામે વાંધો ઉઠાવતા પક્ષકાર તરીકે જોડાયેલા પિતા જનાર્ધન શર્માએ મંગળવારે હાઈકોર્ટમાં સોંગદનામું રજૂ કરતા જણાવ્યું હતું કે, વાલીઓની જાણ વગર તેમના બાળકોને બેંગલોર આશ્રમથી અમદાવાદ લાવવામાં આવ્યા હતા અને DPS સ્કુલના ટ્રસ્ટી પૂજા શ્રોફ નિત્યાનંદને વિદેશ મોકલવામાં મદદગીરી કરી હોવાનો આક્ષેપ કર્યો હતો.

સોંગદનામામાં પિતા જર્નાધન શર્માએ આક્ષેપ કર્યો હતો કે, "બંને સાધવીઓ દ્વારા બાળકોને અલગ રાખવાનો, ટોર્ચર સહિત અનેક પ્રકારની યાતનાઓ કરવામાં આવતી હતી. જેથી તેમને જામીન આપવામાં ન આવે. પૂજા શ્રોફ અને અન્ય એક આરોપી પણ આ સમગ્ર ષડયત્રમાં સામેલ હોવાનો દાવો કર્યો હતો."

2 ડિસેમ્બરના રોજ અમદાવાદ મિરઝાપુર ગ્રામ્ય મેજીસ્ટ્રેટ કોર્ટેબંને સંચાલિકાઓની જામીન અરજી ફગાવતા મહત્વનું અવલોકન કર્યુ હતું કે, "બંને વિરૂદ્ધ ગંભીર ગુનો છે અને જો તેમને જામીન આપવામાં આવે તો સમાજ પર વિપરીત અસર પડી શકે છે. બંને સાધિકાઓ પર ગુનો ગંભીર પ્રકારનો હોવાથી તેમને કોર્ટ દ્વારા જામીન આપવામાં આવ્યા નથી. આશ્રમની સંચાલિકા પ્રાણપ્રિયા અને તત્વપ્રિયાના વકીલ તરફે દલીલ કરવામાં આવી છે કે, તેમના અસીલ વિરૂધની ફરિયાદ ખોટી છે. 7 વર્ષ બાદ ગુનામાં સંચાલિકાઓને નોટીસ આપવની ફરજ પડી છે. બંને સાધિકાઓને નોટીસ વગર ધરપકડ કરાયા હોવાની દલીલ કરવામાં આવી હતી."

ઉલ્લેખનીય છે કે, 27મી નવેમ્બરના રોજ પોલીસે વધું રિમાન્ડની માગ ન કરતા આરોપીઓને પોલીસ કસ્ટડીમાં મોકલવામાં આવ્યા હતા. 27મી નવેમ્બરના રોજ દાખલ કરવામાં આવેલી વચ્ચગાળા જામીન અરજી કોર્ટે ફગાવી દીધી હતી. બંને સંચાલિકા વતી કોર્ટમાં વચ્ચગાળાની જામીન અરજી દાખલ કરવામાં આવી હતી. જો કે, મૂળ રેગ્યુલર જામીન અરજીની સુનાવણી 30મી નવેમ્બરના રોજ નિયત હોઈ કોર્ટે બંનેની વચ્ચગાળાની જામીન અરજી ફગાવી હતી.

નિત્યાનંદના યોગિનીસર્વાજ્ઞપીઠમ આશ્રમમાં 4 બાળકોને ગોંધી રાખવાનો પોલીસે નિત્યાનંદ, પ્રાણપ્રિયા અને પ્રિયાતત્વ વિરૂધ પોલીસ ફરિયાદ દાખલ કરી હતી. ફરિયાદ નોંધાયા બાદ પીડિત પરિવારને ધમકી મળતા હોવાના આક્ષેપ સાથે પોલીસ પ્રોટેક્શનની માંગણી કરી હતી.