જનતા કરફ્યૂ: અમદાવાદ પોલીસ દ્વારા શહેરમાં આ રીતે રાખવામાં આવી રહી છે નજર

કોરોના વાઇરસને લઈને રાખવામાં આવેલ જનતા કરફ્યૂને સારો એવો પ્રતિસાદ મળ્યો છે, ત્યારે કરફ્યૂની પરિસ્થિતિમાં કોઈ અરાજકતા અને તંગદિલી ના સર્જાય તે માટે અમદાવાદ શહેર પોલીસ દ્વારા કંટ્રોલ રૂમમાંથી જ સમગ્ર શહેર પર નજર રાખવામાં આવી રહી છે.

અમદાવાદ: પોલીસ કમિશનર કચેરીની અંદર આવેલા કંટ્રોલ રૂમમાંથી સમગ્ર શહેર પર બાજ નજર રાખવામાં આવી રહી છે. કંટ્રોલ રૂમમાંથી 500થી બધું કેમેરાનું સતત 24 કલાક મૉનિટરિંગ કરવામાં આવી રહ્યું છે. શહેરના વિવિધ વિસ્તારોની પરિસ્થિતિ કંટ્રોલ રૂમમાં આવેલ મોટી સ્ક્રીન પર દેખાય છે.

શહેરમાં ચાલી રહેલી પરિસ્થિતિનું મૉનિટરિંગ કંટ્રોલ ડીસીપી દ્વારા કરવામાં આવી રહ્યું છે અને જેનો રિપોર્ટ અમદાવાદ પોલીસ કમિશનરને સીધો પહોંચાડવામાં આવે છે. હાલ તો તમામ અધિકારીઓને ઓફિસમાં હજાર રહેવા સૂચના આપવામાં આવી છે, પરંતુ મૉનિટરિંગ દરમિયાન કોઈ ગંભીર પરિસ્થિતિ કે અસામાન્ય બનાવ બને તો અધિકારીને સ્પોટ પર પહોંચવા પણ સૂચના આપવામાં આવશે.કરફ્યૂના વાતાવરણમાં અમદાવાદના સંવેદનશીલ વિસ્તારો સહિત સમગ અમદાવાદ શહેરનું મૉનિટરિંગ કરવામાં આવી રહ્યું છે અને સમગ્ર અમદાવાદ પર પોલીસ દ્વારા પણ નજર રાખવામાં આવી રહી છે.