અમદાવાદ: જનતાના હૃદયની અનુભૂતિને વાચા આપતા વડાપ્રધાન નરેન્દ્ર મોદીએ એ દેશના નાગરિકોને કોરોના સંબંધી હાલના મુદ્દાઓ પર વિગતે વાત કરી હતી. વડાપ્રધાન નરેન્દ્ર મોદીએ ભારતના દરેક નાગરિક કેવી રીતે કોરોના સામે લડી રહ્યો છે, તેમાં ભારતમાં વિશ્વની શું ભૂમિકા છે, તેમજ લોકોનો જુસ્સો ટકાવી રાખવા માટે અનેક વાતો કરી હતી.
આ લોકડાઉનમાં અને કોરોનાની મહામારીમાં પોલીસની એક નવી જ છબી નાગરિકો સામે આવી છે. સ્વયંસેવકો ગરીબોને બે ટંકનું ભોજન પૂરું પાડી રહ્યા છે. રેલવે અને ભારતીય હવાઇ સેવા દ્વારા દવાઓ સહીતના જરૂરી માલસામાનની હેરફેર કરવામાં આવી રહી છે. સફાઇ કર્મીઓ પર લોકો ફૂલો વરસાવીને તેમનું અભિવાદન કરી રહ્યા છે. તેમણે ભારતીય સંસ્કૃતિ અને તહેવારોની પણ વાત કરી .
અક્ષય તૃતીયા હોય કે રમઝાન માસ હોય લોકો જે પ્રમાણે સાવચેતીના પગલા લઈ રહ્યા છે અને લોકડાઉન રાખી રહ્યા છે, તેની તેમણે પ્રશંસા કરી હતી.તેમણે coronawarriors.gov.in પોર્ટલ પર કરોડો લોકો જોડાયા છે તે પણ જણાવ્યું હતું.
વડાપ્રધાન નરેન્દ્ર મોદીએ કહ્યું કે, કોરોના વાયઇરસની આ મહામારીમાં જ્યારે આપણે જાહેરમાં થૂંકવાની જે વૃત્તિ છે તેની પર સ્થાનિક સરકારો દ્વારા જે દંડ કરવામાં આવે છે. તેને લઈને અને નાગરિકોની સાવચેતીના કારણે પણ જે ઘટાડો આવ્યો છે, તેને આપણે આદત બનાવી દેવી જોઈએ. માસ્ક પણ આવનારા સમયમાં એક સારી આદત બની જાય તો નવાઈ નહી.
વડાપ્રધાને કોરોના વોરિયર્સના સન્માન કરવાની અને ડોક્ટરો પર થતા હુમલાઓને ધ્યાનમાં લઇને કેન્દ્ર સરકારે બનાવેલા બિલની પણ વાત કરી હતી.
વડાપ્રધાન નરેન્દ્ર મોદીના પ્રેરણાત્મક શબ્દો થકી હંમેંશની જેમ આ વખતે પણ અનેકગણું માર્ગદર્શન મળ્યું અને જનસેવાની શીખ ભાજપના નેતાઓ અને કાર્યકરોને મળી તેમ ભાજપ પ્રદેશ અધ્યક્ષ જીતુ વાઘાણીએ જણાવ્યું હતું.
