ઉત્તરાયણ પહેલા ઘાયલ પક્ષીઓની સંખ્યામાં વધારો, જીવદયા ટ્રસ્ટે કરી સારવાર માટે તૈયારીઓ શરૂ

પતંગના પર્વ મકરસંક્રાંતિનો દિવસ શરુ થાય તે પહેલાં જ અમદાવાદમાં ત્રણ થી ચાર દિવસથી 200થી વધુ પક્ષીઓ પતંગની દોરીથી ઘાયલ થયા છે.

• ઉત્તરાયણ પહેલા ઘાયલ પક્ષીઓની સંખ્યા વધી
• લોકોની બેદરકારીનો ભોગ બની રહ્યા છે અબોલ પક્ષીઓ
• 80 ટકા કિસ્સામાં પક્ષીઓના મોત થવાની જ શક્યતા
  
  
  
  અમદાવાદઃ ઉત્તરાયણના દિવસે આકાશમાં રંગબેરંગી પતંગો છવાઇ જાય છે, પતંગ ઉડાવવાની લોકો મજા લેતા હોય છે અને આ બધાની વચ્ચે અબોલ પક્ષીઓના અવાજ કોઈપણ નથી સાંભળતું. પતંગ ચગાવવા માટેની દોરીમાં કાચ હોય છે, જેના કારણે પક્ષીઓ મોતને ભેટે છે તો કેટલાક પક્ષીઓની પાંખો કપાઈ જાય છે.
  
  
  ઘાયલ થયેલા 2000થી વધુ પક્ષીઓની સંખ્યા
  

એક અંદાજ મુજબ અમદાવાદ શહેરમાં દર વર્ષે ઉત્તરાયણના દિવસ દરમિયાન બે હજારથી વધુ પક્ષીઓ ઘાયલ થાય છે અને અનેક પક્ષીઓ દોરી લાગવાના કારણે મોતને પણ ભેટે છે. સૌથી વધુ સાંભળી કબૂતર કાગડા જેવા પક્ષીઓ ઉત્તરાયણના દિવસોમાં દોરી કપાવાથી ઘાયલ થતાં હોય છે.

ઘાયલ પક્ષીઓની સારવાર માટે જીવ દયા ટ્રસ્ટની તૈયારીઓ સંપૂર્ણ

ઘવાયેલા પક્ષીઓને યોગ્ય સારવાર મળી રહે તે માટે શહેરના જીવદયા પ્રેમીઓ અને અનેક સામાજીક સંસ્થાઓ દ્વારા સારવાર આપવામાં આવે છે. અમદાવાદ શહેરના પાંજરાપોળમાં પણ આવા પક્ષીઓને સારવાર માટેના કેન્દ્રો બનાવાવમાં આવ્યા છે. સાથે જ પક્ષીઓ માટે જરૂરી તમામ દવાઓનો જથ્થો પણ મૂકી દેવામાં આવ્યો છે.

ઇજાગ્રસ્ત પક્ષીઓને સારવાર માટે first aid જરૂરી

પંતગની દોરીથી ઇજાગ્રસ્ત થયેલા પક્ષીઓને સારવાર માટે કેન્દ્ર લાવતા પહેલાં અનેક બાબતોની કાળજી રાખવી જરૂરી બને છે. જે પક્ષીમાંથી લોહી નીકળતું હોય તો તેને કોટનનું કપડું બાંધી અને વિટામિન્સ પણ કરી શકાય, તો સાથે જ પક્ષીને પાંખમાંથી કે અન્ય જગ્યાએથી દોરા કાઢવાનો પ્રયાસ ન કરવો જોઇએ. કારણ કે તેનાથી પક્ષીઓને નુકસાન થતું હોય છે.

દર વર્ષે ઉત્તરાયણમાં મોટી સંખ્યામાં આ પક્ષીઓ ઘાયલ થતા હોય છે, ઘાયલ પક્ષીઓની સંખ્યામાં ઘટાડો થાય તે પ્રકારના કામ આપણે જ કરવાના છે. વહેલી સવારે અને મોડી સાંજે પક્ષીઓ આકાશમાં વિહરતા હોય તે સમયે આપણે પંતગ ચગાવવાનું ટાળવું જોઈએ.