અમદાવાદ: 2020ના વર્ષમાં દરેક ક્ષેત્રે પ્રવૃત્તિઓને મુલતવી રાખવામાં આવી છે. રાજ્યમાં સૌથી વધારે કોરોનાના કેસ અમદાવાદ જિલ્લામાં નોંધાયા છે. ત્યારે, 2021માં અમદાવાદના લોકો માટે ખુશીના સમાચાર છે.
FIFA વુમન અંડર-17 વલ્ડ કપની કુલ 7 મેચ અમદાવાદમાં યોજાશે. વર્ષ 2021 ફેબ્રુઆરી મહિનામાં આ ચારેય મેચ રમાશે અને કવોટર ફાઈનલ પણ અમદાવાદને ફાળવવમાં આવી છે. આ મુદ્દે વધુ જાણકારી આપતા ગુજરાત રાજ્યના મુખ્યપ્રધાન વિજય રૂપાણીએ ટ્વીટ કરી માહિતી આપી હતી કે, FIFA અંડર-17 વુમન વલ્ડ કપની સાત મેચ અમદાવાદમાં યોજાશે જે ગુજરાત માટે ખૂબ જ ગર્વની વાત છે. 18, 21,24 અને 27મી ફેબ્રુઆરીના રોજ મેચ યોજાશે. કવોટર ફાઈનલ 27મી ફેબ્રુઆરીના રોજ યોજાશે.
અમદાવાદ સિવાય FIFA અંડર-17 વુમન વલ્ડ કપની અન્ય મેચ કોલકાતા, ભુવનેશ્વર, ગૌવહાટી, નવી મુંબઈ સહિતના શહેરોમાં યોજાશે. FIFA ડેલીગેશનને આ તમામ જગ્યાઓ પર મેચ યોજવા મુદ્દે સંતોષ વ્યક્ત કર્યો હતો. અમદાવાદના કાંકરિયા વિસ્તારમાં આવેલા સ્ટેડિયમમાં આ તમામ મેચો યોજાશે.
