અમદાવાદ : દાણીલીમડામાં ફેકટરીના માલિકે GPCBના બે અધિકારીઓને મારી નાખવાની ધમકી (GPCB Officials Threatened to Kill) આપી હતી. GPCBના બે અધિકારીઓ તપાસમાં ગોડાઉનમાં ગયેલા હતા પરંતુ ગોડાઉનમાં પુરીને મારી નાખવાની ધમકી મળી હતી. જો કે પોલીસને જાણ થતાં આ બંન્ની ધરપકડ કરી છે.
"મારું નામ મોહસીન શેખ છે, હું આ ફેકટરીનો માલિક છું"
GPCB પ્રાદેશિક કચેરી અમદાવાદ ખાતે સંજય માલત નાયબ પર્યાવરણ ઈજનેર તરીકે ફરજ બજાવે છે. અને હાલમાં ગાંધીનગરથી ઓફિસથી કામકાજ કરે છે. સંજય માલત તેમજ અધિકારી દશરથ પટેલ સાથે અમદાવાદ શહેરના ઔધોગિક એકમોની તપાસ (Investigation of Industrial Units of Ahmedabad) માટે ગાંધીનગરથી દાણીલીમડામાં પહોંચ્યા હતા. દાણીલીમડા ખાતે ઇલાબેન એસ્ટેટ પાસે બ્રાઇટ વો ફેકટરી ખાતે પહોંચ્યા હતા, ત્યાં હાજર કારીગરોએ ફોન કરીને કંપનીના માલિકને બોલાવ્યા હતા. અને થોડીવારમાં એક વ્યક્તિ આવીને કહ્યું, મારું નામ મોહસીન શેખ છે, હું આ ફેકટરીનો માલિક છું.
આ પણ વાંચોઃ વેરાવળની રેયોન કંપનીના ગેસ ગળતર મામલે કલેક્ટર દ્વારા GPCBને તપાસના આદેશ
"તમે અમારી ફેકટરીમાં શું તપાસ કરવા આવ્યા છો.?"
ફેકટરીના માલિક GPCBના અધિકારીઓને કહ્યું કે, તમે અમારી ફેકટરીમાં શું તપાસ કરવા આવ્યા છો.? ગુજરાત પોલ્યુશન કંટ્રોલ બોર્ડના (Gujarat Pollution Control Board) નિયમોનું પાલન થાય છે કે કેમ તેની તપાસ માટે આવ્યા હોવાનું GPCBના અધિકારીએ કહ્યું હતું. જે જવાબ સાંભળીને કંપનીના માલિકે ગાળો બોલીને બે વ્યક્તિઓને બોલાવ્યા અને આ ત્રણે ભેગા થઈ GPCBના અધિકારીઓ સાથે ગાળા ગાળી કરીને ઝગડો કર્યો હતો. આ બંને GPCBના અધિકારીઓને ફેકટરીનો દરવાજો બંધ કરી ગોડાઉનમાં પુરી દીધા હતા.
GPCBના અધિકારીઓએ પોલીસને ફોન માહિતી આપી
જો કે, GPCBના અધિકારીઓએ પોલીસને ફોન કરી તમામ વિગત જણાવી હતી. GPCBના અધિકારીઓની ફરિયાદના આધારે દાણીલીમડા પોલીસે (Danilimda Police) ફેકટરીના માલિક સહિતના એક આરોપીની ધરપકડ કરી છે.
